Category: Shëndeti

  • 299 raste me fruth në Kosovë, 30 të reja vetëm gjatë javës së fundit

    299 raste me fruth në Kosovë, 30 të reja vetëm gjatë javës së fundit

    Sipas të dhënave të IKShPK-së, vetëm gjatë javës së fundit janë regjistruar 30 raste të reja, ndërsa fruthi është përhapur në 23 komuna të vendit. Pjesa dërrmuese e të prekurve janë fëmijë.

    IKShPK bën të ditur se mbi 95 për qind e rasteve të konfirmuara janë persona të pavaksinuar me vaksinën MMR, e cila mbron nga fruthi, parotiti dhe rubeola.

    Instituti thekson se vaksinimi mbetet masa kryesore për parandalimin e sëmundjes, e cila është shumë ngjitëse dhe mund të shkaktojë komplikime serioze, veçanërisht te fëmijët e vegjël.

    Ndërkohë, gjatë këtij viti, përmes aktiviteteve të vaksinimit plotësues janë vaksinuar mbi 4 mijë e 69 fëmijë të grupmoshës 2–5 vjeç, të cilët nuk i kishin marrë vaksinat e parapara ose nuk i kishin përfunduar të dy dozat.

    IKShPK u bën thirrje prindërve që të kontrollojnë statusin e vaksinimit të fëmijëve dhe, në rast se kanë humbur ndonjë dozë, të kontaktojnë ekipet e vaksinimit për ta plotësuar atë sa më parë.

    Instituti rikujton se vaksinimi në kohë është thelbësor për mbrojtjen e fëmijëve dhe ndërprerjen e përhapjes së fruthit.

  • QKUK avancon trajtimin e kancerit

    QKUK avancon trajtimin e kancerit

    Përmes një postimi, Vitia ka njoftuar se kjo teknikë po aplikohet përmes akseleratorit linear Elekta Versa HD, duke mundësuar trajtim më preciz për pacientët me kancer.

    Sipas tij, kjo metodë mundëson mbrojtje më të madhe të indeve të shëndosha dhe reduktim të numrit të seancave të trajtimit në rastet kur pacientët janë të përshtatshëm për këtë teknikë.

    Vitia ka theksuar se ky avancim është rezultat i investimeve në teknologji moderne dhe ngritjes profesionale të stafit, duke e cilësuar si një hap drejt përmirësimit të shërbimeve onkologjike në sistemin publik shëndetësor.

    Ai gjithashtu ka falënderuar fizikanët mjekësorë, onkologët radioterapeutë dhe teknikët e radioterapisë për punën dhe përkushtimin e tyre në trajtimin e pacientëve.

  • 242 raste me fruth në Kosovë

    242 raste me fruth në Kosovë

    Gjatë këtij viti, përmes këtyre aktiviteteve janë vaksinuar mbi 4.006 fëmijë të grupmoshës 2–5 vjeç.

    IKShPK u ka bërë thirrje prindërve që të kontrollojnë statusin e vaksinimit të fëmijëve të tyre dhe, në rast se kanë humbur ndonjë dozë, të kontaktojnë ekipet e vaksinimit për ta plotësuar atë sa më parë.

    Instituti thekson se vaksinimi i rregullt dhe ai plotësues janë thelbësorë për mbrojtjen e fëmijëve dhe ndërprerjen e përhapjes së fruthit në vend.

  • Fillon realizimi i projektit në QMF-Duhël, synohet përmirësimi i kushteve për pacientët

    Fillon realizimi i projektit në QMF-Duhël, synohet përmirësimi i kushteve për pacientët

    Ky projekt pritet të ndikojë në krijimin e kushteve më të mira për pacientët që marrin shërbime në këtë qendër, duke kontribuar në përmirësimin e kujdesit shëndetësor në nivel lokal.

    Me rastin e fillimit të realizimit të projektit, janë shprehur falënderime për AQH-në dhe Kuvendin Komunal të Suharekës për mbështetjen dhe bashkëpunimin në jetësimin e tij.

    Investimi vjen në funksion të përmirësimit të shërbimeve të mjekësisë familjare dhe ofrimit të një kujdesi më cilësor shëndetësor për qytetarët.

  • Fillon vaksinimi kundër gripit sezonal në Suharekë

    Fillon vaksinimi kundër gripit sezonal në Suharekë

    Sipas njoftimit, qytetarët mund të paraqiten për vaksinim në ambientet e QKMF-së, çdo ditë sipas orarit të punës, nga ora 08:00 deri në 16:00. Të gjithë personat që dëshirojnë të vaksinohen duhet të kenë me vete letërnjoftimin me numër personal.

    Vaksinimi rekomandohet veçanërisht për grupet më të rrezikuara, përfshirë personat mbi 65 vjeç, personat me sëmundje kronike, gratë shtatzëna, fëmijët me sëmundje kronike, personat që jetojnë në institucione të kujdesit afatgjatë dhe profesionistët shëndetësorë.

    Megjithatë, vaksinimi rekomandohet edhe për qytetarët e tjerë që dëshirojnë të mbrohen nga gripi sezonal.

    Nga QKMF “Rexhep Kuçi” theksojnë se vaksinimi mbetet një nga masat më të rëndësishme për mbrojtjen e shëndetit, parandalimin e komplikimeve dhe uljen e rrezikut nga format e rënda të gripit.

    Institucioni u ka bërë thirrje qytetarëve që të kujdesen për shëndetin e tyre dhe të familjarëve duke shfrytëzuar mundësinë e vaksinimit.

  • Dr. Qëndrim Zenelaj nga Suhareka, pjesë e skenës ndërkombëtare të gastroenterologjisë

    Dr. Qëndrim Zenelaj nga Suhareka, pjesë e skenës ndërkombëtare të gastroenterologjisë

    Nga një qytet i vogël si Suhareka, drejt një skene ku mblidhen profesionistë dhe ekspertë të mjekësisë nga e gjithë bota, rrugëtimi i Dr. Zenelajt është dëshmi se përkushtimi, dija dhe puna e palodhshme mund t’i kapërcejnë kufijtë.

    Pjesëmarrja e tij në këtë ngjarje të rëndësishme shkencore nuk është vetëm një arritje personale, por edhe një moment krenarie për qytetin prej nga vjen dhe për mjekësinë kosovare.

    UEG Week është një platformë ndërkombëtare ku prezantohen zhvillimet më të fundit shkencore në gastroenterologji, endoskopi dhe trajtimin e sëmundjeve të sistemit tretës.

    Në mesin e profesionistëve ndërkombëtarë, këtë herë është edhe një emër nga Suhareka, që me punën dhe angazhimin e tij dëshmon potencialin e jashtëzakonshëm të profesionistëve tanë.

    Sepse kur një mjek nga Suhareka ngjitet në një skenë ndërkombëtare, krenaria nuk mbetet vetëm e tij. Ajo bëhet krenari e familjes, e qytetit dhe e gjithë atyre që besojnë se edhe nga vendi ynë mund të arrihen majat e profesionalizmit.

    Suhareka ka shumë arsye për t’u krenuar me njerëzit e saj. Dr. Qëndrim Zenelaj është një prej tyre.

  • Arrijnë vaksinat kundër gripit sezonal

    Arrijnë vaksinat kundër gripit sezonal

    Sipas njoftimit, vaksinimi i qytetarëve do të nisë pas përfundimit të procesit të shpërndarjes së vaksinave në QKMF dhe njësitë përkatëse. Qytetarët këshillohen të kontaktojnë qendrat më të afërta të mjekësisë familjare për t’u informuar rreth datës së fillimit të vaksinimit në komunën e tyre.

    MSH dhe IKSHPK u kanë bërë thirrje qytetarëve që të vaksinohen kundër gripit sezonal, duke theksuar rëndësinë e vaksinimit veçanërisht për grupet me rrezik të lartë.

    Përparësi gjatë vaksinimit rekomandohet të kenë:

    • Personat mbi 65 vjeç;

    • Personat me sëmundje kronike, përfshirë sëmundjet e zemrës, mushkërive, diabetin dhe sëmundjet e veshkave;

    • Gratë shtatzëna;

    • Fëmijët me sëmundje kronike dhe ata që kanë indikacion për vaksinim;

    • Personat që jetojnë në institucione të kujdesit afatgjatë;

    • Profesionistët shëndetësorë dhe personat që ofrojnë kujdes shëndetësor.

    Institucionet shëndetësore bëjnë të ditur se vaksinimi rekomandohet edhe për qytetarët e tjerë që dëshirojnë të mbrohen nga gripi sezonal.

    Sipas tyre, vaksinimi mbetet një nga masat më të rëndësishme për uljen e rrezikut të komplikimeve, formave të rënda të sëmundjes dhe shtrimit në spital.

  • IKShPK: 224 raste me fruth në Kosovë, mbi 95% e të prekurve janë të pavaksinuar

    IKShPK: 224 raste me fruth në Kosovë, mbi 95% e të prekurve janë të pavaksinuar

    Sipas të dhënave të IKShPK-së, mbi 95 për qind e personave të prekur nga fruthi janë të pavaksinuar me vaksinën MMR, e cila mbron nga fruthi, shytat dhe rubeola. Instituti thekson se këto të dhëna dëshmojnë rëndësinë e vaksinimit në parandalimin e përhapjes së sëmundjes dhe mbrojtjen e shëndetit të fëmijëve.

    Për të rritur mbulueshmërinë me vaksina, IKShPK ka intensifikuar vaksinimin e rregullt, si dhe vaksinimin plotësues për fëmijët që nuk janë vaksinuar me kohë për arsye të ndryshme.

    Si rezultat i kësaj fushate, gjatë këtij viti janë vaksinuar mbi 3,481 fëmijë të moshës 2 deri në 5 vjeç.

    IKShPK ka vlerësuar kontributin e prindërve, profesionistëve shëndetësorë dhe institucioneve në rritjen e shkallës së vaksinimit, duke u bërë thirrje qytetarëve që të sigurohen se fëmijët e tyre i kanë marrë vaksinat sipas kalendarit kombëtar të imunizimit.

    Instituti thekson se vaksinimi mbetet masa më e rëndësishme për parandalimin e sëmundjeve të evitueshme me vaksina dhe për mbrojtjen e shëndetit të fëmijëve dhe të gjithë komunitetit.

  • Tetori Rozë në shkollën “Naum Veqilharxhi” – Mohlan

    Tetori Rozë në shkollën “Naum Veqilharxhi” – Mohlan

    Pjesë e këtij aktiviteti ishte edhe znj. Leoreta Fondaj, e cila ndau rrëfimin e saj personal, duke përcjellë një mesazh frymëzues për guximin, shpresën dhe dashurinë për jetën.

    Përmes këtij aktiviteti u theksua rëndësia e ndërgjegjësimit, kontrolleve të rregullta dhe solidaritetit me të gjitha gratë që përballen me këtë sëmundje.

    Mesazhi i përcjellë ishte i qartë: ndërgjegjësimi dhe zbulimi i hershëm mund të shpëtojnë jetë, ndërsa mbështetja dhe solidariteti na bëjnë më të fortë në përballjen me sfidat.

  • 203 raste me fruth në Kosovë, IKShPK bën thirrje për vaksinimin e fëmijëve

    203 raste me fruth në Kosovë, IKShPK bën thirrje për vaksinimin e fëmijëve

    Sipas IKShPK-së, mbi 95% e rasteve të konfirmuara janë persona të pavaksinuar me vaksinën MMR, duke theksuar rëndësinë e vaksinimit në parandalimin e përhapjes së kësaj sëmundjeje.

    Përveç vaksinimit të rregullt sipas kalendarit kombëtar, IKShPK ka intensifikuar edhe fushatën e vaksinimit të vonuar (catch-up), e cila u dedikohet fëmijëve që për arsye të ndryshme nuk janë vaksinuar në kohën e paraparë.

    Si rezultat i kësaj fushate, gjatë këtij viti janë vaksinuar mbi 3,265 fëmijë të grupmoshës 2 deri në 5 vjeç.

    Instituti ka vlerësuar angazhimin e prindërve, profesionistëve shëndetësorë dhe institucioneve në rritjen e shkallës së vaksinimit, duke rikujtuar se vaksinimi mbetet masa më e sigurt dhe më efikase për mbrojtjen e shëndetit të fëmijëve dhe komunitetit.

    “Çdo fëmijë i vaksinuar është një jetë më shumë e mbrojtur dhe një hap më afër ndërprerjes definitive të përhapjes së fruthit”, thuhet në komunikatën e IKShPK-së.

    Instituti u ka bërë thirrje prindërve që të respektojnë kalendarin e rregullt të vaksinimit dhe të sigurohen që fëmijët e tyre të marrin edhe vaksinat e vonuara.

  • QKMF në Suharekë furnizohet me tri lloje të insulinës, ftohen pacientët të tërheqin terapinë

    QKMF në Suharekë furnizohet me tri lloje të insulinës, ftohen pacientët të tërheqin terapinë

    Përmes një njoftimi, QKMF ka bërë të ditur se të gjithë qytetarët që janë pjesë e listës së pacientëve insulinovarës mund të paraqiten pranë këtij institucioni për të tërhequr terapinë e tyre, sipas procedurave të rregullta.

    Pacientët gjatë paraqitjes duhet të kenë me vete dokumentin e identifikimit, si dhe dokumentacionin e nevojshëm shëndetësor, nëse kërkohet.

    Nga QKMF “Rexhep Kuçi” kanë ritheksuar përkushtimin për ofrimin e shërbimeve cilësore shëndetësore dhe sigurimin e vazhdimësisë së terapisë për pacientët që kanë nevojë për insulinë.

  • Ligjëratë ndërgjegjësuese për kancerin e gjirit në shkollën “Xhavit Sylaj” në Sllapuzhan

    Ligjëratë ndërgjegjësuese për kancerin e gjirit në shkollën “Xhavit Sylaj” në Sllapuzhan

    Ligjërata me temën „Parandalimi i Kancerit të Gjirit“ u mbajt nga Msc. Inf. Arbërije Kolgeci, e cila informoi të pranishmit për rëndësinë e parandalimit dhe zbulimit të hershëm të kësaj sëmundjeje.

    Në aktivitet morën pjesë edhe mjeket familjare, Dr. Behare Elshani dhe Dr. Sale Bytyqi, të cilat iu përgjigjën pyetjeve të pjesëmarrësve dhe ofruan sqarime lidhur me kujdesin shëndetësor dhe rëndësinë e kontrolleve me kohë.

    Në ligjëratë ishin të pranishëm mësimdhënës, prindër dhe nxënës, duke theksuar rëndësinë e bashkëpunimit ndërmjet institucioneve shëndetësore dhe atyre arsimore në rritjen e ndërgjegjësimit për shëndetin.

    QKMF „Rexhep Kuçi“ ka falënderuar drejtorinë dhe stafin e shkollës për mikpritjen dhe bashkëpunimin, si dhe Prof. Blerta Bajraktari për organizimin e këtij aktiviteti.

    Në kuadër të Tetorit Rozë, apeli mbetet që qytetarët të informohen për kancerin e gjirit dhe rëndësinë e kontrolleve shëndetësore, pasi zbulimi i hershëm mund të rrisë ndjeshëm mundësitë për trajtim të suksesshëm.

  • Vaksinat kundër gripit sezonal pritet të arrijnë në Kosovë më 21 tetor

    Vaksinat kundër gripit sezonal pritet të arrijnë në Kosovë më 21 tetor

    Sipas IKShPK-së, vonesa në furnizim është shkaktuar nga ndryshimet në përbërjen e shtameve të rekomanduara për vaksinën e gripit për hemisferën veriore. Këto ndryshime kanë ndikuar në afatet e prodhimit dhe furnizimit të vaksinave në nivel global.

    Si pasojë, vaksinat për Kosovën pritet të arrijnë me 21 ditë vonesë krahasuar me afatin e planifikuar.

    IKShPK ka bërë të ditur se po e përcjell nga afër procesin e furnizimit dhe, pas pranimit të vaksinave, do të njoftojë qytetarët dhe institucionet shëndetësore për fillimin e vaksinimit.

    Po ashtu, qytetarët do të informohen me kohë për vendet dhe oraret ku do të mund të vaksinohen, pas përfundimit të procedurave të pranimit dhe shpërndarjes së vaksinave në institucionet shëndetësore.

    IKShPK ka falënderuar qytetarët për mirëkuptimin dhe bashkëpunimin.

  • Mbi 300 pacientë morën shërbime në Klinikën Emergjente të QKUK-së brenda 24 orëve

    Mbi 300 pacientë morën shërbime në Klinikën Emergjente të QKUK-së brenda 24 orëve

    Sipas raportit të publikuar nga Shërbimi Spitalor Klinik dhe Universitar i Kosovës (SHSKUK), ekipet mjekësore kanë ofruar gjithsej 356 shërbime emergjente për qytetarët.

    Nga 307 pacientët e trajtuar, 90 kanë marrë shërbime në Emergjencën Internistike, 72 në Emergjencën Kirurgjike, 67 në Reanimim dhe 64 në Emergjencën Ortopedike.

    Ndërkaq, 14 pacientë janë trajtuar në Sallën e Vogël.SHSKUK ka bërë të ditur se ekipet shëndetësore të Klinikës Emergjente vazhdojnë të jenë në gatishmëri për t’u ofruar kujdesin e nevojshëm pacientëve.

  • IKShPK: 164 raste me fruth në Kosovë, mbi 95% e të prekurve janë të pavaksinuar

    IKShPK: 164 raste me fruth në Kosovë, mbi 95% e të prekurve janë të pavaksinuar

    Sipas të dhënave të IKShPK-së, nga 16 prilli deri më 13 shtator 2026 janë konfirmuar gjithsej 164 raste me fruth, ndërsa vetëm gjatë javës së fundit janë regjistruar edhe 6 raste të reja.

    IKShPK thekson se mbi 95 për qind e rasteve të konfirmuara me fruth janë te persona të pavaksinuar me vaksinën MMR, duke nënvizuar rëndësinë e vaksinimit në parandalimin dhe përhapjen e sëmundjes.

    Përveç vaksinimit të rregullt sipas kalendarit kombëtar, institucionet shëndetësore kanë intensifikuar edhe vaksinimin e vonuar, i njohur si “catch-up”, për fëmijët që për arsye të ndryshme nuk janë vaksinuar në kohën e paraparë.

    Gjatë këtij viti, përmes vaksinimit “catch-up” janë vaksinuar mbi 2,794 fëmijë të grup-moshës 2–5 vjeç.

    IKShPK ka vlerësuar angazhimin e prindërve, profesionistëve shëndetësorë dhe institucioneve për rritjen e mbulueshmërisë me vaksinim dhe mbrojtjen e fëmijëve nga fruthi.

    Instituti rikujton se vaksinimi i rregullt dhe vaksinimi “catch-up” kontribuojnë në rritjen e numrit të fëmijëve të mbrojtur dhe në ndërprerjen e përhapjes së fruthit.

  • Sa kafe duhet të pimë në ditë?

    Sa kafe duhet të pimë në ditë?

    Një studim i ri shkencor ka sjellë të dhëna të qarta për të gjithë adhuruesit e kësaj pijeje. Sipas ekspertëve të shëndetësisë, konsumimi i deri në 400 miligramë kafeinë në ditë konsiderohet plotësisht i sigurt për pjesën më të madhe të të rriturve. Për ta thjeshtuar, kjo sasi korrespondon me rreth 3 deri në 5 filxhanë kafe në ditë.

    Ndikimi në zemër dhe organizëm

    Përtej miteve se kafeja mund të jetë e dëmshme, kërkimet e fundit tregojnë se konsumi i moderuar jo vetëm që nuk e dëmton sistemin kardiovaskular, por në disa raste mund të ofrojë edhe efekte mbrojtëse. Kafeina e marrë në sasi të kontrolluara përmirëson qarkullimin e gjakut dhe rrit përqendrimin.

    Megjithatë, mjekët bëjnë thirrje për kujdes. Ky rregull vlen për kafenë standarde dhe jo për pijet e mbingarkuara me sheqer, shurupe apo qumësht me yndyrë të lartë, të cilat mund të rrisin kolesterolin dhe presionin e gjakut.

    Këshilla për mëngjesin tuaj

    Nëse dëshironi që kafeja t’ju bëjë sa më shumë mirë, ekspertët rekomandojnë:

    Mos e pini me stomak bosh: Provoni të hani të paktën një kafshatë përpara se të merrni dozën e parë të kafeinës.

    Kujdes me orarin: Shmangni konsumimin e kafesë pas pasdites së vonë, pasi mund të ndikojë negativisht në cilësinë e gjumit.

    Dëgjoni trupin tuaj: Nëse ndjeni rrahje të shpejta zemre apo ankth, uleni sasinë e përditshme.

    Kujdesi për shëndetin fillon gjithmonë me zakone të qëndrueshme dhe të balancuara. Për çdo shqetësim specifik ose nëse vuani nga tensioni i lartë, konsultohuni gjithmonë me mjekun tuaj të familjes.

  • IKShPK: 158 raste me fruth, mbi 95% e të prekurve janë të pavaksinuar

    IKShPK: 158 raste me fruth, mbi 95% e të prekurve janë të pavaksinuar

    Sipas të dhënave të IKShPK-së, nga 16 prilli deri më 6 shtator 2026 janë konfirmuar gjithsej 158 raste me fruth, ndërsa vetëm gjatë javës së fundit janë regjistruar 7 raste të reja.

    IKShPK thekson se mbi 95% e rasteve të konfirmuara janë te persona të pavaksinuar me vaksinën MMR, çka, sipas institutit, dëshmon rëndësinë e vaksinimit në parandalimin dhe përhapjen e sëmundjes.

    Krahas vaksinimit të rregullt sipas kalendarit, është intensifikuar edhe vaksinimi i vonuar, i njohur si “catch-up”, për fëmijët që për arsye të ndryshme nuk janë vaksinuar në kohën e paraparë.

    Gjatë këtij viti, përmes vaksinimit catch-up janë vaksinuar mbi 2,700 fëmijë të moshës 2 deri në 5 vjeç.IKShPK ka vlerësuar pozitivisht angazhimin e prindërve, profesionistëve shëndetësorë dhe institucioneve për rritjen e përfshirjes në vaksinim.

  • QKUK funksionalizon shërbimin për diagnostikimin e çrregullimeve të gjumit

    QKUK funksionalizon shërbimin për diagnostikimin e çrregullimeve të gjumit

    Ky është shërbimi i parë i këtij lloji në kuadër të QKUK-së dhe do të fokusohet veçanërisht në diagnostikimin e apnesë obstruktive të gjumit, një çrregullim që lidhet me sëmundje kardiovaskulare, respiratore dhe metabolike.

    Sipas QKUK-së, funksionalizimi i këtij shërbimi do të mundësojë diagnostikim më të hershëm dhe trajtim të specializuar për pacientët brenda sistemit publik shëndetësor, duke kontribuar në përmirësimin e kujdesit dhe cilësisë së jetës.QKUK ka shprehur mirënjohje për donatorin “Atom Med” për kontributin në avancimin e shërbimeve shëndetësore.

  • Fruthi në Kosovë: 147 raste të konfirmuara, një rast raportohet në Suharekë

    Fruthi në Kosovë: 147 raste të konfirmuara, një rast raportohet në Suharekë

    Vetëm gjatë javës së fundit janë regjistruar 10 raste të reja, ndërsa një rast është raportuar në komunën e Suharekës. Numri i përgjithshëm i rasteve këtë vit është më shumë se dyfishi i rasteve të konfirmuara gjatë gjithë vitit 2025.

    Numri më i lartë i rasteve është regjistruar në Prishtinë me 49 raste dhe Fushë-Kosovë me 35 raste, pasuar nga Ferizaj me 13, Obiliqi me 9 dhe Lipjani me 8 raste.

    IKShPK ka intensifikuar vaksinimin në komunat më të prekura, ku gjatë tri javëve të fundit janë vaksinuar me MMR 504 fëmijë të vonuar për vaksinim.

    Instituti u ka bërë thirrje prindërve dhe kujdestarëve të verifikojnë statusin e vaksinimit të fëmijëve dhe të sigurojnë vaksinimin sipas kalendarit të rregullt. Gjithashtu, personat me simptoma të dyshimta, si temperaturë e lartë, skuqje, kollë, rrufë ose konjuktivit, rekomandohet të paraqiten menjëherë në institucionet shëndetësore.

  • Statistikat e Hematologjisë së QKUK-së: Mbi 3 mijë kimioterapi dhe afro 400 biopsi e punksione

    Statistikat e Hematologjisë së QKUK-së: Mbi 3 mijë kimioterapi dhe afro 400 biopsi e punksione

    Sipas të dhënave të publikuara, gjatë gjashtë muajve të parë të vitit në këtë klinikë janë realizuar 3,175 vizita ambulantore dhe 416 hospitalizime, ndërsa janë kryer edhe 6,821 ekzaminime të gjakut.

    Në shërbimin e Kimioterapisë Ditore janë realizuar 3,064 kimioterapi, ndërsa janë kryer 610 interpretime të strishos së gjakut periferik, 199 punksione aspirative të palcës kockore dhe 196 biopsi të palcës kockore.

    Klinika e Hematologjisë është qendra referente e nivelit terciar në Kosovë për trajtimin e sëmundjeve malinje dhe jo-malinje të gjakut.

    Aty trajtohen, ndër të tjera, anemitë, leukemitë akute dhe kronike, sëmundjet limfoproliferative e mieloproliferative, mieloma multiple, sindroma mielodisplazike, çrregullimet e trombociteve dhe të hemostazës, si dhe sëmundjet e trashëguara, përfshirë hemofilitë.

    Në kuadër të klinikës funksionon edhe Njësia e Mjekimit Gjysmëintensiv, ku ofrohet trajtim i vazhdueshëm dhe terapi intensive kimioterapeutike për pacientët me leukemi akute.

    Të dhënat e gjashtëmujorit, sipas klinikës, pasqyrojnë volumin e lartë të punës dhe gamën e gjerë të shërbimeve të specializuara që u janë ofruar pacientëve nga mbarë Kosova.

  • 377 persona kërkuan ndihmë emergjente në QKUK gjatë 24 orëve të fundit

    377 persona kërkuan ndihmë emergjente në QKUK gjatë 24 orëve të fundit

    Sipas njoftimit, gjatë kësaj periudhe janë trajtuar 59 pacientë në Reanimim, 98 në Emergjencën Internistike, 75 në Emergjencën Kirurgjike dhe 81 në Emergjencën Ortopedike.

    Ndërkohë, 22 pacientë kanë marrë shërbime në Sallën e Vogël, ku janë kryer qepje, përpunimi dhe pastrimi i plagëve.

    Sa i përket rasteve të lëndimeve, janë regjistruar 41 persona të lënduar si pasojë e aksidenteve në trafik, ndërsa është evidentuar edhe një rast i lëndimit nga armët e ftohta.

    Gjatë të njëjtës periudhë, në klinika të ndryshme të QKUK-së janë realizuar edhe 28 pranime për trajtim.

  • 929 raste emergjente në QKUK gjatë vikendit, 53 persona të lënduar në aksidente trafiku

    929 raste emergjente në QKUK gjatë vikendit, 53 persona të lënduar në aksidente trafiku

    Sipas të dhënave të QKUK-së, gjatë kësaj periudhe janë trajtuar 202 pacientë në Reanimim, 280 në Emergjencën Internistike, 192 në Emergjencën Kirurgjike dhe 194 në Emergjencën Ortopedike.

    Ndërkohë, 61 pacientë kanë marrë shërbime në Sallën e Vogël, ku janë kryer qepje, përpunim dhe pastrim i plagëve.

    Sa i përket natyrës së lëndimeve, gjatë vikendit janë regjistruar 2 raste të lëndimeve nga armët e zjarrit, 1 rast nga armët e ftohta, si dhe 3 raste të intoksikimeve (helmimeve).

    Po ashtu, 8 persona janë trajtuar pas përfshirjes në përleshje fizike, ndërsa 53 persona kanë marrë trajtim si pasojë e aksidenteve në trafik.

    Gjatë së njëjtës periudhë, në klinika të ndryshme të QKUK-së janë realizuar edhe 87 pranime për trajtim, ndërsa janë regjistruar dy raste të vdekjes (exitus).

  • Konfirmohet rasti i parë me Virusin e Nilit Perëndimor në Kosovë gjatë vitit 2026

    Konfirmohet rasti i parë me Virusin e Nilit Perëndimor në Kosovë gjatë vitit 2026

    Sipas IKShPK-së, rasti është një person i gjinisë mashkullore, i lindur në vitin 2005, shtetas i Republikës së Kosovës, i cili është duke u trajtuar në Klinikën Infektive të QKUK-së.

    Pacienti është në gjendje stabile dhe po merr trajtimin e nevojshëm.

    Nga hulumtimi epidemiologjik është konstatuar se pacienti nuk ka udhëtuar jashtë Kosovës në vendet ku aktualisht është raportuar qarkullim i virusit.

    Virusi i Nilit Perëndimor është sëmundje sezonale, e cila shfaqet kryesisht gjatë muajve të verës dhe transmetohet përmes pickimit të mushkonjave të infektuara. IKShPK thekson se virusi nuk transmetohet nga personi në person përmes kontakteve të zakonshme.

    Gjatë pesë viteve të fundit, 2021–2025, në Kosovë janë regjistruar gjithsej nëntë raste të Virusit të Nilit Perëndimor. Shtatë prej tyre janë regjistruar në vitin 2024, ndërsa nga një rast në vitet 2023 dhe 2025.

    Sipas të dhënave të IKShPK-së, deri më 5 gusht, raste të infeksionit me këtë virus janë raportuar edhe në Itali, Greqi, Spanjë, Maqedoni të Veriut, Rumani, Francë dhe Gjermani.

    IKShPK rekomandon qytetarët të marrin masa parandaluese, përfshirë përdorimin e repelentëve kundër mushkonjave, veshjen e rrobave me mëngë të gjata dhe pantallona të gjata, vendosjen e rrjetave mbrojtëse në dritare e dyer dhe eliminimin e ujit të ndenjur, ku mund të shumohen mushkonjat.

    Instituti ka bërë thirrje që të shmanget qëndrimi jashtë gjatë agimit dhe muzgut, kur mushkonjat janë më aktive.

    IKShPK thekson se nuk ka vend për panik, ndërsa situata po monitorohet në vazhdimësi.

  • Konfirmohet një rast i malaries në Kosovë, pacientja e huaj në gjendje të qëndrueshme

    Konfirmohet një rast i malaries në Kosovë, pacientja e huaj në gjendje të qëndrueshme

    Pas ekzaminimeve klinike, pacientja është transferuar në Klinikën Infektive për shkak të shenjave të një infeksioni të rëndë sistemik. Gjatë vlerësimit epidemiologjik është konstatuar se ajo kishte udhëtuar së fundmi në vende ku malaria është endemike.

    Analizat specifike kanë konfirmuar diagnozën, pas së cilës është nisur menjëherë trajtimi antimalarik. Pacientja vazhdon të trajtohet në Klinikën Infektive nën përkujdesjen e infektologëve.

    Sipas informacioneve të fundit, më 5 gusht gjendja e saj është e qëndrueshme. Ajo tashmë komunikon lirshëm, ndërsa parametrat vitalë dhe laboratorikë po kthehen gradualisht në vlera normale.

    Malaria nuk transmetohet përmes kontaktit të zakonshëm nga personi në person, por kryesisht përmes pickimit të mushkonjave të infektuara.

    Raste të malaries janë raportuar edhe më herët në Kosovë. Gjatë periudhës 2022–2025 janë evidentuar gjithsej tetë raste, të gjitha të importuara. Ato janë diagnostikuar te persona që kishin udhëtuar në vende të kontinentit afrikan ose kishin ardhur prej tyre.

    Deri më tani, në Kosovë nuk është evidentuar asnjë rast i transmetimit lokal të malaries.

  • Fruthi në rritje në Kosovë, 99 raste të konfirmuara – 21 vetëm gjatë javës së fundit

    Fruthi në rritje në Kosovë, 99 raste të konfirmuara – 21 vetëm gjatë javës së fundit

    Numri më i madh i rasteve është raportuar në Prishtinë me 33 raste, e pasuar nga Fushë-Kosova me 25, Ferizaj me 12 dhe Kaçaniku me 7 raste. Raste janë raportuar edhe në disa komuna të tjera të Kosovës.

    IKShPK thekson se numri i rasteve është më i lartë krahasuar me të njëjtën periudhë të vitit të kaluar, kur ishin konfirmuar 65 raste. Ndërkohë, gjatë viteve 2021–2024 në Kosovë ishin regjistruar vetëm tri raste me fruth, të gjitha të importuara.

    Instituti u bën thirrje qytetarëve që, në rast të simptomave të dyshimta si temperaturë e lartë, skuqje të lëkurës, kollë, rrufë apo konjuktivit, të paraqiten menjëherë në institucionet shëndetësore.

    IKShPK veçanërisht u ka bërë thirrje prindërve dhe kujdestarëve që të kontrollojnë statusin e vaksinimit të fëmijëve dhe të sigurojnë vaksinimin sipas Kalendarit të rregullt të imunizimit.

    Vaksinimi mbetet masa më efektive për parandalimin e fruthit dhe kufizimin e përhapjes së tij në komunitet.

  • 992 shërbime mjekësore gjatë fundjavës në Emergjencën e QKUK-së

    992 shërbime mjekësore gjatë fundjavës në Emergjencën e QKUK-së

    Sipas të dhënave të QKUK-së, 227 pacientë janë trajtuar në reanimim, 168 në Emergjencën Kirurgjike, 286 në Emergjencën Internistike, 200 në Emergjencën Ortopedike dhe 94 në Sallën e Vogël.

    Në mesin e rasteve të trajtuara janë 75 persona të lënduar në aksidente komunikacioni, 6 raste të rrahjeve, 5 raste të intoksikimit, si dhe një rast i lëndimit me armë të ftohtë.

    Gjatë kësaj periudhe janë bërë edhe 85 pranime për trajtim të mëtejmë në klinikat përkatëse të QKUK-së. Sipas njoftimit, nuk është raportuar asnjë rast me përfundim fatal.

    Emergjenca e QKUK-së ka vazhduar punën me shërbime të pandërprera për pacientët që kanë kërkuar trajtim emergjent.

  • QKMF “Rexhep Kuçi” në Suharekë zhvillon ligjëratë profesionale për bruzelozën

    QKMF “Rexhep Kuçi” në Suharekë zhvillon ligjëratë profesionale për bruzelozën

    Ligjërata u prezantua nga Dr. Arberim Basha, i cili trajtoi aspektet kryesore të bruzelozës, duke përfshirë epidemiologjinë, mënyrat e diagnostikimit, trajtimin dhe masat parandaluese.

    Qëllimi i kësaj ligjërate ishte përditësimi i njohurive profesionale të stafit shëndetësor, si dhe avancimi i vazhdueshëm i cilësisë së shërbimeve shëndetësore të ofruara për qytetarët.

    Ligjërata ishte e akredituar nga Oda e Mjekëve të Kosovës (OMK) me 2 pikë.

    Në përfundim, QKMF “Rexhep Kuçi” ka falënderuar Dr. Arberim Bashën për prezantimin profesional, si dhe të gjithë pjesëmarrësit për interesimin dhe angazhimin gjatë ligjëratës.

  • 69 raste me fruth në Kosovë, gjashtë raste të reja të raportuara gjatë javës së fundit

    69 raste me fruth në Kosovë, gjashtë raste të reja të raportuara gjatë javës së fundit

    Sipas IKShPK-së, vetëm gjatë javës së fundit janë raportuar gjashtë raste të reja me fruth.

    Numri më i madh i rasteve është regjistruar në Prishtinë, me 21 raste, ndërsa Ferizaj dhe Fushë-Kosova kanë nga 12 raste. Në Kaçanik janë raportuar shtatë raste, në Lipjan tre raste, ndërsa Vushtrria, Shtimja, Drenasi dhe Obiliqi nga dy raste.

    Nga një rast me fruth është raportuar edhe në komunat Podujevë, Gjilan, Deçan, Skënderaj, Shtërpcë dhe Viti.

    IKShPK u ka bërë thirrje qytetarëve që, në rast të shfaqjes së simptomave të dyshimta të fruthit, si temperatura e lartë, skuqjet apo ndryshimet në lëkurë, kolla, rrufa ose konjuktiviti, të paraqiten menjëherë në institucionin më të afërt shëndetësor.

    Duke marrë parasysh shkallën e lartë të infektueshmërisë së fruthit dhe rrezikun e përhapjes në komunitet, IKShPK u ka bërë thirrje prindërve dhe kujdestarëve që të kontrollojnë statusin e vaksinimit të fëmijëve dhe të sigurojnë vaksinimin e tyre sipas Kalendarit të rregullt të imunizimit.

    Sipas Institutit, vaksinimi mbetet masa më efektive dhe më e sigurt për parandalimin e fruthit, mbrojtjen e personave të pavaksinuar dhe ruajtjen e shëndetit publik.

  • 🌡️ Depresioni veror, fenomen i rrallë por në rritje

    🌡️ Depresioni veror, fenomen i rrallë por në rritje

    I ashtuquajturi depresion veror prek një përqindje më të vogël të njerëzve krahasuar me depresionin dimëror, por simptomat mund të jenë po aq serioze. Sipas ekspertëve, valët e të nxehtit dhe netët tropikale mund të ndikojnë në gjendjen emocionale duke shkaktuar pagjumësi, lodhje, ankth, nervozizëm, humbje të oreksit dhe ulje të humorit.

    Temperaturat e larta ndikojnë në ritmin e gjumit dhe në funksionimin normal të organizmit, çka mund të rrisë ndjeshmërinë ndaj stresit dhe problemeve të shëndetit mendor.

    Psikologët rekomandojnë që gjatë periudhave me vapë ekstreme të mbahet një rutinë e rregullt ditore, të shmanget ekspozimi në diell gjatë orëve më të nxehta dhe t’i kushtohet rëndësi cilësisë së gjumit. Në rastet kur simptomat zgjasin ose bëhen më të rënda, këshillohet kërkimi i ndihmës nga profesionistët e shëndetit mendor.

    Ndërkohë, të dhënat ndërkombëtare tregojnë se çrregullimet e shëndetit mendor janë rritur ndjeshëm në dekadat e fundit. Depresioni dhe ankthi vazhdojnë të jenë ndër problemet më të përhapura, ndërsa ekspertët theksojnë se ndryshimet klimatike dhe temperaturat ekstreme mund të kenë ndikim të drejtpërdrejtë edhe në mirëqenien psikologjike të njerëzve.

  • Rriten rastet me fruth në Kosovë, IKShPK konfirmon 63 raste të infektuara

    Rriten rastet me fruth në Kosovë, IKShPK konfirmon 63 raste të infektuara

    Vetëm gjatë javës së fundit janë raportuar 11 raste të reja me këtë sëmundje infektive. Numri më i madh i rasteve është regjistruar në Prishtinë me 19 raste, ndërsa pas saj renditen Ferizaj me 12 raste, Fushë Kosova me 9 dhe Kaçaniku me 8 raste.

    Raste me fruth janë raportuar edhe në Lipjan, Vushtrri, Shtime, Obiliq, Gjilan, Drenas, Deçan, Skenderaj, Shtërpcë dhe Viti.

    IKShPK u ka bërë thirrje qytetarëve që personat me simptoma të dyshimta si temperaturë të lartë, skuqje në lëkurë, kollë, rrufë apo konjuktivit, të kërkojnë menjëherë ndihmë mjekësore.

    Instituti ka apeluar te prindërit dhe kujdestarët që të kontrollojnë statusin e vaksinimit të fëmijëve dhe të sigurojnë imunizimin sipas kalendarit të rregullt, duke theksuar se vaksinimi mbetet mënyra më efektive për parandalimin e fruthit dhe përhapjes së tij në komunitet.