Nesër përfundon afati që të arrijnë fletëvotimet nga diaspora – deri tani KQZ ka pranuar afër 4600 pako

Ndërsa, nesër më 15 tetor është afati i fundit kur duhet që të arrijnë fletëvotimet nga diaspora.

Deri tani Komisioni Qendror i Zgjedhjeve (KQZ) numri i pakove të supozuara me fletëvotime nga diaspora është 4 mijë e 590.

Kështu ka bërë të ditur për Telegrafin, zëdhënësi i Komisionit Qendror të Zgjedhjeve (KQZ), Valmir Elezi.

“Numri i pakove të supozuara me fletëvotime të cilat janë tërhequr nga shërbimi votues i KQZ-së, deri më 13 tetor, është 4,590”, ka thënë ai.

Ndryshe, numri i qytetarëve me të drejtë vote jashtë vendit, që kanë arritur të regjistrohen me suksesshëm si votues jashtë Kosovës është 15 mijë e 532.

Ndërsa, ky proces i aplikimit për regjistrim si votues jashtë Kosovës për zgjedhjet lokale të 17 tetorit kishte filluar më 10 korrik dhe kishte përfunduar më 18 gusht.