Drejtoria e Financave në Suharekë ka njoftuar të gjithë tatimpaguesit se Ministria e Financave ka rritur tatimet në prona-parcela dhe objekte.

Sipas njoftimit bëhet e ditur se Komuna e Suharekës është ndarë në 6 zona të vlerësimit të pronave dhe objekteve, duke shtuar se fatura e tatimit në pronë llogaritet vlera e një prone apo objekti dhe shumëzohet me koeficientin të cilin e ka catuar komuna, ku sipas drejtorisë thuhet se Komuna e Suharekës ka caktuar koeficientin minimal 0.15%, raporton SuharekaOnline.

Poashtu, kjo drejtori sqaron se nëse shtëpia vlerësohet me 50.000 x 0.15% vlera e tatimit do të jetë 75 euro, ndërsa nëse parcela apo oborri vlerësohet 20.000 x 0.15% vlera e tatimit do të jetë 30 euro, ku sipas kësaj llogaritje i bie që vlera totale e tatimit për një vit i bie 105 euro.

Njoftimi i plotë pa ndërhyrje:

Drejtoria e Financave Suharekë

Sqarim për tatimpagues ne Komunën e Suharekës e pikrisht tatimin në pronë:

Të nderuar tatimpagues ashtu siç jeni informuar pëmes mediave dhe zyreve të tatimit ,tatimet në prona-parcela dhe objekte janë rritë nga ministria e financave si rezultat i rritjes se vlerës së vlerësuar të pronave dhe objektve në komunë që ky vlersim bëhet nga ministria qdo 3-5 vjet.

Komuna e Suharekës është e ndarë në 6 zona të vlersimit të pronave dhe objekteve.

Fatura e tatimit në pronë llogaritet vlera e një prone apo objekti shumëzohet me koficientin të cilin ka caktuar Komuna.

Koficienti nga ministira është min 0.15 % dhe max 1% e vlerës së pronës ,komuna Suharekës ka caktuar min 0.15 % për vlerë, në minimum që lejohet me ligj.

Psh shtëpia vlersohet 50,000 x 0.15%=75 euro

Parcela oborri 20,000 x 0.15% =30 euro

Total 105 euro vjetore .

Andaj të gjithë ju qytetar që mendoni se nga ky vlerësim prona juaj është mbivleresuar apo vlerësuar jo drejtë ,e keni të drejtën që të ankoheni për “Çertifikatën e vlerës së prones” në bazë të UA MF-nr.02/2019 për Procedurat Ankimore të Tatimit në Pronë, në ankesë duhet të ketë ndonjë dëshmi qoftë:kontratë e shitëblerjes personale, vlerë referente e zonës për rreth ose ndonjë fakt tjetër,apo dëshmi e vlerësimit nga ndonjë vlerësues i certifikuar!

Procedura e ankimimit e parasheh që ankesën të dorëzoni në Komunë,Komuna ankesat i dërgon në Departamentin e Tatimit në Pronë tek Ministria e Financave (shih formularin) dhe ata e shqyrtojnë ankesën!

Ankesat mund ti bëni nga dita e nesërme

Data 26.01.2023

Me këto procedura dhe veprime nënkuptojmë dhe sqarojmë tatimpaguesin se vlerësimin e ka bërë Ministria e Financave e jo Komuna!

Për çdo paqartësi apo informacion lajmrohuni në zyret e drejtoris së Financave Suharekë.

Me respekt Labinot Halitjaha

Drejtoria për Ekonomi, Financa dhe Buxhet

SUHAREKË