Vonesat me faturat e tatimit në pronë në Suharekë: Si t’i siguroni ato përmes e-Kosova apo në Komunë

Sipas njoftimit, shpërndarja e faturave ka qenë e pamundur për shkak të disa problemeve teknike që janë shfaqur në Sistemin e Tatimit në Pronë. Megjithatë, autoritetet njoftojnë se ky problem tashmë është evituar.

Departamenti i Tatimit në Pronë, në bashkëpunim me Departamentin e IT-së, ka dërguar bazat e të dhënave të faturave në të gjitha komunat e Republikës së Kosovës dhe në Postën e Kosovës, duke mundësuar kështu nisjen e shpërndarjes së tyre te qytetarët.​

Si t’i siguroni faturat?​

Për të shmangur pritjet apo në rast se faturat ju vonohen nëpër shtëpi, Komuna bën me dije se qytetarët mund t’i sigurojnë ato përmes dy rrugëve:​

●Duke u paraqitur fizikisht në Zyrat e tatimit në pronë në Komunë.​

●Në mënyrë digjitale përmes platformës online e-Kosova.

​⚠️ Afati i fundit dhe penalitetet

​Komuna u bën thirrje të gjithë tatimpaguesve që të tregohen të kujdesshëm me afatet, pasi vonesat teknike nuk e shtyjnë afatin ligjor të pagesës:

​Afati i fundit për pagesën e këstit të parë është data 30 Qershor 2026.​

Ndëshkimi:

Mosgjetja e kohës për të paguar brenda këtij afati do të rezultojë me një gjobë prej 10% mbi vlerën e faturës, si dhe kamatë prej 0.65% për çdo muaj vonesë.

​”Këtë e bëjmë për arsye se afati i fundit për pagesën e këstit të parë është data 30 Qershor 2026, në mënyrë që t’i shmangen ndëshkimit… Ju faleminderit në mirëkuptim!” – përfundon njoftimi i nënshkruar nga Sektori i TPR-së në Suharekë.