Pavarësisht numrit të vogël, zjarrfikësit e Suharekës shembull i përkushtimit në detyrë

05.08.2021 / Lajme

Pavarësisht numrit të vogël, zjarrfikësit e Suharekës shembull i përkushtimit në detyrë
Foto: Ilustrim

Janë ekipa që i bie ndërmend çdo njërit në rast të ndonjë fatëkeqësie, aksidenti, zjarri apo raste të tjera urgjente, të cilët me punën dhe përkushtimin e tyre ja kanë arritur të menaxhojnë çdo situatë.

Krahas temperaturave ekstreme të ditëve të fundit ata punuan mbi vatra të zjarrit, ishin afër secilit qytetarë që kishte nevojë.

Bëhet fjalë për ekipën e zjarrfikësve të Komunës së Suharekës të cilët krahas vështirësive të përditshme dhe stafit jo të plotë brenda pak minutave janë në vendin e ngjarjes duke treguar kështu përkushtim dhe vullnet në punë.


Edhe pse me një vlerë të madhe për qytetarët e komunës sonë, zjarrëfikësit e qytetit çdo ditë përballen me probleme të shumta. Ndër to është edhe numri i vogël i tyre që për 88,140 banorë sa numron Komuna e Suharekës do duhej të kishte 59 zjarrfikës e në fakt për momentin janë vetëm 13 të tillë, që në kalkulim rezulton që për 6780 banorë ka 1 zjarrëfikës që është në kundërshtim me ligjin i cili thotë se duhet të jetë 1 zjarrëfikës për 1500 banorë.

Nga qeverisja lokale ishte kërkuar që të shtohet numri i zjarrfikësve në Suharekë, pasi aktualisht është numër shumë i vogël, ku si komunë qëndrojmë shumë keq, madje më keq se shumë komuna tjera në vend.

Kërkesa për rritjen e numrit të tyre është parë edhe më domosdoshme gjatë ditëve të fundit ku Suhareka është përballur vazhdimisht me zjarre. Megjithatë, përkushtimi i tyre nuk ka munguar pavarësisht numrit të vogël dhe mungesës së pajisjeve të punës.

Zjarrfikësit e komunës gjithashtu kanë mungesë edhe të pajisjeve të përbashkëta si psh. shkallët hidraulike ose platforma për shpëtimin e njerëzve në lartësi.

KOMENTE0

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *