Gjykata Speciale arreston ish-kryetarin e Malishevës, Isni Kilaj

Lajmin për Indeksonlinen e ka konfirmuar djali i tij, Blend Kilaj.

Ai ka thënë se arrestimi i babait ka ndodhur rreth orës 7 të mëngjesit. Blendi ka thënë se nuk e ka idenë se me çfarë motivi tani është arrestuar babai i tij.

Kilaj ka qenë ish-komandant i UÇK-së dhe ai ishte arrestuar edhe më parë nga kjo gjykatë më 2 nëntor 2023.

Ai u lirua më 15 maj, me kushte të rrepta, në bazë të vendimit të gjykatësit të vetëm të Dhomave të Specializuara të Kosovës (DHSK) të datës 3 maj 2024.