LVV: Qytetarët treguan kulturë demokratike në këto zgjedhje

LVV: Qytetarët treguan kulturë demokratike në këto zgjedhje
Çlirim Gashi

15.02.2021 / Zgjedhjet Parlamentare 2021

Lëvizja Vetëvendosje ka falënderuar të gjithë qytetarët për pjesëmarrjen dhe kulturën demokratike të treguar në zgjedhjet e 14 shkurtit.

Përmes një postimi të publikuar në rrjete sociale, VV-ja ka falënderuar mërgatën që kanë shfrytëzuar të drejtën e tyre të votës.

Në vijim postimi i plotë i VV-së:

Lëvizja ju shpreh mirënjohje e falënderim

Të dashur qytetarë

Ju na keni mbështetur, jo për interesa personale, por për parimet politike dhe qëndrueshmërinë. Mbështetja juaj për Lëvizjen, nuk ka patur ndonjë precedent në historinë e Kosovës, për asnjë subjekt tjetër.

Kjo mbështetje tregon mirësinë tuaj dhe dashurinë që keni për atdheun. Dëshira jonë më e madhe tash është që të dëshmojnë me punë dhe nder që ta sjellim ndryshimin që ju prisni, dhe ta meritojmë mbështetjen tuaj.

Falënderojmë të gjithë qytetarët për pjesëmarrjen dhe kulturën demokratike të treguar në këto zgjedhje. Falënderojmë gjithë mbështetësit e Lëvizjes, që na e sollën këtë moment historik. I falemi nderit prej mërgatës që ka votuar me postë dhe masivisht ka ardhur në Kosovë. Dhe sigurisht, e pamundur është të mos e shprehim vlerësimin për punën e madhe e të palodhur të gjithë aktivistëve dhe vullnetarëve. Në veçanti falënderojmë vëzhguesit e komisionerët e ditës së zgjedhjeve, vëzhguesit e votave të mërgatës, si dhe vëzhguesit e Qendrës së Numërimit që nisin punën nga sot.

Jemi të prekur thellësisht nga bujaria e pamatë e familjeve anëkënd Kosovës që na hapët dyert e zemrën muajin e shkuar, duke na pritur. Ju jemi mirënjohës përjetë. Në çdo shtëpi që ishim u pritëm ngrohtë dhe nuk pati nevojë të thërrasim për më shumë mobilizim se atë punë tashmë e kishte kryer gjyshi a gjyshja deri te nipi e mbesa.

Bashkë do ta bëjmë më të mirën për vendin, shoqërinë dhe ekonominë tonë.

Test antigjen për COVID-19 vetëm 15€, rezultati brenda 30 minutave

Në Laboratorin “RIOLAB” kryhet testi i shpejtë i antigjenit për COVID-19. Testi i antigjenit përdoret në diagnozën e infeksionit COVID-19....

Lexo më shumë

Të fundit

15.02.2021 / Zgjedhjet Parlamentare 2021

Në Leshan fiton Lëvizja Vetëvendosje me 279 vota

15.02.2021 / Zgjedhjet Parlamentare 2021

Në Greikoc fiton Lëvizja Vetëvendosje me 519 vota

15.02.2021 / Zgjedhjet Parlamentare 2021

Në Bukosh fiton Lëvizja Vetëvendosje me 230 vota