Suharekë, për 6 muaj – një vetvrasje dhe 5 tentim vetvrasje

Mbetet ende shqetësuese fakti se vazhdon të ketë rritje numri i rasteve të tentim të vetvrasjes dhe vetvrasjeve që ndodhin në Suharekë si dhe në gjithë vendin.

Në çdo takim të sigurisë lokale që mbahet me nënkryetaren e Komunës së Suharekës, përfaqësuesve të KFOR-it dhe Policisë së Kosovës çdo herë është prezent numri i rasteve të tentim vetvrasjes si dhe vetvrasjeve.

SuharekaOnline ka grumbulluar statistikat e rasteve të tentim vetvrasjes si dhe vetvrasjes të cilat kanë ndodhur këtë vit në periudhën janar-qershor në Komunën e Suharekës.

Për gjashtë muaj, në Komunën e Suharekës kanë ndodhur 5 raste të tentim vetvrasjes dhe një vetvrasje.

Gjatë muajit janar të vitit 2021 ndodhi një rast tentim vetvrasje, në shkurt një rast tentim vetvrasje, në mars 3 raste të tilla dhe në prill një vetvrasje.