Për një muaj Komuna e Suharekës shpenzoi afër 7 mijë euro për udhëtime zyrtare jashtë vendit
Në shpenzimet e periudhës tetor 2022 , sipas njësive buxhetore dhe kodeve ekonomike të Komunës së Suharekës, ndër tjerash figurojnë edhe shpenzimet për udhëtimet zyrtare jashtë vendit. Në bazë të raportit të cilin e ka siguruar SuharekaOnline bëhet e ditur se në muajin tetor të këtij viti Komuna e Suharekës ka shpenzuar 6843.99 euro për […]
Në shpenzimet e periudhës tetor 2022 , sipas njësive buxhetore dhe kodeve ekonomike të Komunës së Suharekës, ndër tjerash figurojnë edhe shpenzimet për udhëtimet zyrtare jashtë vendit.
Në bazë të raportit të cilin e ka siguruar SuharekaOnline bëhet e ditur se në muajin tetor të këtij viti Komuna e Suharekës ka shpenzuar 6843.99 euro për udhëtimet zyrtare jashtë vendit.
Shpenzime më të mëdha për udhëtime zyrtare jashtë vendit për muajin tetor ka bërë Administrata e cila ka shpenzuar 6 mijë euro.
Ndërsa, 568.93 euro janë shpenzuar për udhëtime zyrtare jashtë vendit nga Zyra e Kryetarit, Bali Muharremaj.
Shpenzime për të njejtën arsye në muajin tetor janë bërë nga Inspekcioni, ku kanë shpenzuar 245.06 euro dhe Buxheti ku janë shpenzuar 30 euro.
Njësia Buxhetore | Udhëtime zyrtare jashtë vendit, tetor 2022 |
Zyra e kryetarit | 568,93 euro |
Administrata | 6000 euro |
Inspekcioni | 245,06 euro |
Buxheti | 30 euro |
TOTALI | 6.843,99 euro |