Janar 2021, pavarësisht situatës me pandeminë rriten të hyrat vetanake në Komunën e Suharekës
Ligji për Financat e Pushtetit Lokal përcakton se burimet e të hyrave komunale përveç grantëve qeveritare përbëhen edhe nga të hyrat vetanake, të cilat mblidhen nga komunat në emër të shërbimeve të ofruara për qytetarët. Të hyrat vetanake të komunave nga tatimet dhe taksat përbëjnë shtyllën kryesore prej së cilës varet qëndrueshmëria financiare e një […]
Ligji për Financat e Pushtetit Lokal përcakton se burimet e të hyrave komunale përveç grantëve qeveritare përbëhen edhe nga të hyrat vetanake, të cilat mblidhen nga komunat në emër të shërbimeve të ofruara për qytetarët.
Të hyrat vetanake të komunave nga tatimet dhe taksat përbëjnë shtyllën kryesore prej së cilës varet qëndrueshmëria financiare e një komune, ato kontribuojnë në shtimin e buxhetit të një komune dhe si të tilla përbëjnë burim të rëndësishëm të të ardhurave komunale.
Sipas raportit financiar për të hyrat vetanake të Komunës së Suharekës për muajin janar 2021 rezulton që realizimi i të hyrave vetanake krahasuar me muajin e njëjtë të vitit të kaluar ka shënuar ngritje pavarësisht situatës së krijuar nga pandemia.
Rritje e të hyrave është shënuar në tatimin në pronë, nga taksat për shfrytëzimin e pronës publike, taksa për automjete etj.
Të hyrat | Janar 2020 | Janar 2021 |
Tatimi në pronë | 66,672.62 € | 96,953.01 € |
Taksa për leje ndërtimi | 9,371.46 € | 7,643.60 € |
Taksa për shfrytëzim të pronës publike | 5,110.30 € | 7,427.84 € |
Taksa për biznese | 12,716.50 € | 9,558.15 € |
Taksa për certifikata dhe dokumente | 6,638.00 € | 5,129.50 € |
Taksa për automjete | 9,850.00 € | 10,300.00 € |
Gjeodezi dhe kadastër | 10,551.60 € | 8,795.00 € |
Participim në shëndetësi | 7,740.50 € | 7,905.50 € |
Participim në arsim | 2,759.00 € | 1,472.00 € |
Të hyra të tjera | 972.00 € | 1,605.00 € |
TOTAL | 154,746.98 € | 156,789.60 € |