Prizren, arrestohet 40-vjeçari për dhunë në familje, i gjenden tri armë dhe 188 fishekë në shtëpi
Policia e Kosovës ka konfiskuar tri armë zjarri dhe 188 fishekë në shtëpinë e një 40-vjeçari të arrestuar për dhunë në familje dhe lëndim të lehtë trupor.
I dyshuari, S.M., u arrestua më 3 mars 2025 dhe aktualisht ndodhet në paraburgim.
Kontrolli në shtëpinë e tij u krye më 13 mars 2025, pas informacioneve të marra nga hetuesit e stacionit policor në Prizren se ai posedonte armë të kundërligjshme. Gjatë kontrollit, të autorizuar nga një urdhëresë, policia gjeti dhe konfiskoi:
- Një pushkë gjuetie me 20 fishekë
- Një pistoletë Ekoll special 99 me 20 fishekë
- Një pistoletë M57 me 48 fishekë
- Një gëzhojë
- 100 fishekë të tjerë
- Një shufër me hapje
- Një thikë me gjatësi tehu 21 cm
“I dyshuari i rastit, S.M., mashkull 40-vjeçar, është arrestuar me datë 03.03.2025 për veprën penale Lëndim i Lehtë Trupor (Dhunë në Familje) dhe i njëjti ndodhet në paraburgim,” thuhet në njoftimin e Policisë së Kosovës.
Për realizimin e urdhër-kontrollit është njoftuar Prokurori i Shtetit. Hetimet kanë filluar edhe për veprën penale të mbajtjes në pronësi, kontroll, posedim apo shfrytëzim të paautorizuar të armës.
Etiketat
KEDS njofton për punime, të shtunën disa pjesë të Suharekës do të kenë ndërprerje të energjisë elektrike
Sociale para 6 ore
Nga ora 12:00 vazhdon seanca konstituive, PDK dhe LDK përsëri do t’ua kërkojnë dorëheqjet qeveritarëve
Lajme para 11 ore
Suharekë, arrestohet një person për fajde, i konfiskohen armë dhe substanca narkotike
Policia para 12 ore
Bali Muharremaj: “Dashuria për Suharekën është angazhim i përditshëm, jo vetëm fjalë”
Suharekë para 23 ore
