Policia po heton një rast të dhunimit të një burri nga një burrë, dyshohet se ndodhi në vitin 2015

Sipas raportit të Policisë, më 6 nëntor 2025, një dëshmitare femër kosovare ka deklaruar gjatë intervistës në Prokurori se dyshon se viktima mashkull kosovar është abuzuar seksualisht nga një i dyshuar mashkull kosovar.

Rasti është bërë i ditur Prokurorit të Shtetit dhe aktualisht ndodhet në hetim për të zbardhur rrethanat e ngjarjes dhe për të marrë masat e nevojshme ligjore.

Policia thekson se hetimet vazhdojnë në mënyrë profesionale dhe në koordinim të plotë me Prokurorinë, ndërsa identiteti i personave të përfshirë dhe detajet shtesë mbeten konfidenciale për të respektuar privatësinë e viktimës.