Policia sekuestron një pistoletë në Samadrexhë, ndalohen për 48 orë dy të dyshuar

26.09.2025

Policia e Kosovës në Prizren ka njoftuar se kanë sekuestruar dy armë zjarri, një në Prizren dhe tjetrën në fashtin Samadrexhë të Suharekës.

Policia e Kosovës në Suharekë ka njoftuar se dje gjatë ditës së mërkurë në fshatin Samadrexhë dy persona të dyshuar kanë ndaluar një qytetar që po drejtonte një kamion të një kompanie.

Me kërcënim me armë, viktima është detyruar të zbresë nga kamioni, i cili më pas është marrë nga të dyshuarit, nën pretendimin e një borxhi që kompania pronare e kamionit gjoja kishte ndaj tyre. Policia nga Stacioni Policor -Suharekë ka reaguar menjëherë dhe gjatë bastisjes është gjetur dhe sekuestruar një pistoletë.

Policia tutje ka bërë të ditur se personat e dyshuar janë arrestuar dhe ndaluar për 48 orë në stacionin policor.

Ndërsa, poashtu policia njfton se edhe në Prizren është sekuestruar një armë, ku është arrestuar një i dyshuar, i njejti është ndaluar për 48 orë.

“Prizren, 26 shtator 2025

Gjatë dy ditëve të fundit, Policia Rajonale e Prizrenit ka realizuar dy operacione të ndara, në të cilat janë sekuestruar dy armë zjarri-pistoleta.

Rasti i parë – më datë 25.09.2025 Me urdhër kontrolli, lëshuar nga Gjykata Themelore në Prizren, sektori i hetimeve Stacioni Policor -Prizren ka realizuar bastisje në veturat që ishin në posedim të një të dyshuarit, në fshatin Prevall – Prizren, si dhe në banesën e tij në Ferizaj. Gjatë kontrollit, nga njësia e krim-teknikës është sekuestruar një pistoletë me karikator dhe me leje për armë. Arma është sekuestruar pasi dyshohet se është keqpërdorur për kanosje në një rast sulmi të ndodhur më 06.08.2025.

Rasti i dytë – më datë 24.09.2025 Në fshatin Samadraxhë është raportuar se dy persona të dyshuar kanë ndaluar një qytetar që po drejtonte një kamion të një kompanie. Me kërcënim me armë, viktima është detyruar të zbresë nga kamioni, i cili më pas është marrë nga të dyshuarit, nën pretendimin e një borxhi që kompania pronare e kamionit gjoja kishte ndaj tyre. Policia nga Stacioni Policor -Suharekë ka reaguar menjëherë dhe gjatë bastisjes është gjetur dhe sekuestruar një pistoletë.

Ndaj të dyshuarve janë iniciuar rastet penale për veprat: “Vetëgjyqësi”, “Kanosje”, “Mbajtje në pronësi, kontroll, posedim apo shfrytëzim të paautorizuar të armës”.

Të tre të dyshuarit, pas intervistimit, me aktvendim të prokurorit janë ndaluar për 48 orë në ndalim policor.” thuhet në njoftimin e policisë.