Ngacmoi dhe fotografoi një femër, dërgohet në mbajtje një person
Policia e Kosovës ka bërë të ditur se të martën e 23 shtatorit është arrestuar një person i dyshuar në lidhje me një rast të veprës penale ndaj një viktime femër.
Foto: Ilustrim
Sipas raportit zyrtar, pas zhvillimit të hetimeve nga njësitet përkatëse, është identifikuar dhe ndaluar një mashkull kosovar, i cili dyshohet për përfshirje në këtë rast penal.
“Më 23.09.2025, pas hetimeve të zhvilluara, është arrestuar i dyshuari mashkull kosovar, si i dyshuar për kryerjen e veprës së lartcekur ndaj viktimës femër kosovare. I dyshuari, me vendim të prokurorit, është dërguar në mbajtje”, thuhet në raportin zyrtar të Policisë.
Policia nuk ka dhënë detaje të mëtejshme rreth natyrës së veprës penale, për shkak të ruajtjes së integritetit të hetimeve dhe mbrojtjes së viktimës.
Hetimet lidhur me rastin janë ende në zhvillim, ndërsa organet e drejtësisë pritet të ndërmarrin hapat e radhës ligjorë në përputhje me procedurat penale.
