Godet bashkëshortin me thikë – e dyshuara arrestohet, viktima merr trajtim mjekësor
Një grua është arrestuar nga Policia e Kosovës pasi dyshohet se e ka goditur me mjet të mprehtë – thikë, bashkëshortin e saj.
Foto: Ilustrim
Ngjarja ka ndodhur të shtunën mbrëma, rreth orës 22:10, në veri të Mitrovicës, bëhet e ditur në raportin 24-orësh të Policisë së Kosovës.
Sipas njoftimit, viktima – një mashkull kosovar – ka pësuar lëndime trupore dhe menjëherë është dërguar për trajtim mjekësor.
“Është arrestuar e dyshuara femër kosovare, për shkak se e kishte goditë me mjet të mprehtë – thikë në dorë bashkëshortin e saj, viktimën mashkull kosovar. Si pasojë viktima ka pësuar lëndime trupore dhe ka pranuar tretman mjekësor”, thuhet në raportin policor.
Pas intervistimit nga organet hetimore, me vendim të prokurorit të rastit, e dyshuara është dërguar në mbajtje.
Autoritetet kanë nisur hetimet për të sqaruar motivet e ngjarjes dhe rrethanat e sakta në të cilat ka ndodhur incidenti.
