Tre persona në Prizren kërkuan ndihmë mjekësore pasi u sulmuan fizikisht nga disa të panjohur

Fabrika e Mobileve "TE NASERI"

Mobilo shtëpinë sot dhe paguaj me këste deri në 12 MUAJ.

Tre persona në dy raste të ndara janë sulmuar gjatë ditës së hënë në Prizren.

Policia e Kosovës ka njoftuar se në Stacionin Policor në Prizren janë raportuar dy raste të sulmeve fizike, raporton SuharekaOnline.

Sipas raportit të policisë thuhet se rasti i parë është raportuar rreth orës 02:15, ku dy meshkuj kanë kërkuar ndihmë mjekësore pasi që ishin përfshirë në një rrahje, ku disa persona të dyshuar, të panjohur për viktimat i kishin sulmuar fizikisht dhe janë larguar.

Policia për këtë rast konfirmon se është duke u hetuar nga njësitet përkatëse.

“Prizren 31.07.2023 – 02:15.  Dy Viktima meshkuj kosovarë kane kërkuar ndihmë mjekësore pasi që ishin të përfshirë në një rrahje ku personat e dyshimtë,  të panjohur i kanë sulmuar viktimat dhe janë larguar . Njësitet përkatëse janë duke kryer procedurat hetimore.” thuhet në raportin e policisë.

Ndërsa, rasti i dytë është raportuar rreth orës 17:00, ku një person ka raportuar se derisa ishte në punë, dy persona të panjohur për të e kanë sulmuar fizikisht, duke i shkaktuar lëndime trupore dhe janë larguar në drejtim të panjohur.

Sipas raportit të policisë bëhet e ditur se viktima ka pranuar tretman mjekësor në Spitalin Rajonal të Prizrenit, e poashtu edhe ky rast është në procedura hetimore.

“Prizren 31.07.2023-17:00. Viktima mashkull kosovar ka raportuar se derisa ka qenë në pune dy persona të panjohur e kanë sulmuar fizikisht duke i shkaktuar lëndime trupore dhe janë larguar në drejtim të panjohur. Viktima ka pranuar tretman mjekësor në  spitalin e Prizrenit. Rasti në procedurë hetimore.” thuhet tutje në raportin e policisë.