“Rekord i zi” – 131 aksidente për 24 orë, dy përfundojnë me fatalitet

Fabrika e Mobileve "TE NASERI"

Mobilo shtëpinë sot dhe paguaj me këste deri në 12 MUAJ.

Mosrespektimi i rregullave në trafik, shpejtësia e madhe, kushtet jo të mira të rrugës, përdorimi i telefonit mobil gjatë ngasjës janë disa nga faktorët nga të cilët shkaktohen aksidentet në trafik.

Edhe gjatë ditës së hënë është regjistruar numër i madh i aksidenteve në trafik, raporton SuharekaOnline.

Sipas raportit të policisë bëhet e ditur se në 24 orëshin e fundit janë regjistruar 131 aksidente trafiku, prej të cilave 36 kanë përfunduar me persona të lënduar, ndërsa 95 të tjera me dëme materiale.

Fatkeqësisht gjatë ditës së hënë dy aksidente trafiku kanë përfunduar me fatalitet.

Poashtu, gjatë ditës së hënë Policia e Kosovës ka shqiptuar edhe 1.800 tiketa trafiku për kundërvajtje.

Gjatë ditës së hënë dy aksidente trafiku janë regjistruar edhe në Komunën e Suharekës, njëri në magjistralen Suharekë-Prizren në fshatin Greijkoc të Suharekës, ku të lënduar kanë mbetur 3 zyrtar policor.

“Suharekë 31.07.2023-06:40. Një femër kosovare, deri sa ishte duke drejtuar veturën  me targa vendore godet një automjet tjetër me targa vendore. Si pasoje e aksidentit lëndime trupore marrin vozitësi i automjetit dhe dy pasagjeret, meshkuj kosovarë te cilët kanë pranuar tretman mjekësor.” thuhet në raportin e policisë.

Poashtu, një tjetër aksident trafiku ka ndodhur në rrugën Vraniq-Bukosh të Suharekës, ku kanë mbetur të lënduar dy persona të cilët janë dërguar për trajtim mjekësor në Spitalin e Prizrenit e më pas njëri është dërguar në QKUK.

“Suharekë 31.07.2023-18:30.  Raportohet për një aksident trafiku në  mes të dy automjeteve me ngasës meshkuj kosovarë. Përveç dëmeve materiale lëndime trupore ka pësuar njëri nga drejtuesit dhe një pasagjerë të cilët kanë pranuar tretman mjekësor në spitalin e Prizrenit, ku njëri prej tyre është dërguar në QKUK për tretman të vazhdueshëm.” thuhet tutje në raport.