Policia e Kosovës ka bërë apel për të gjithë qytetarët që të kenë kujdes kur janë pjesmarrës në trafik si këmbësor.

Policia e Kosovës ka njoftuar se pas analizimit të statistikave aktuale të aksidenteve në trafik janë identifikuar se 30% e rasteve të aksidenteve fatale janë aksidentet ku janë përfshirë këmbësorët, raporton SuharekaOnline.

Andaj, Policia ka bër thirrje për të respektuar disa nga rregullat kur qytetarët janë pjesmarrës në trafik si këmbësor:

1. Mos mbani kufje në vesh gjatë kalimit të rrugës!
2. Kurrë mos e kaloni rrugën duke vrapuar!
3. Të jeni të vëmendshëm gjatë kalimit të rrugës!
4. Për sigurinë tuaj vishni rroba të ndritshme, ose mbani me vete material reflektues apo dritë të bardhë gjatë natës, për t’iu ndihmuar juve dhe ngasësve që t’ju shohin!
5. Sigurohuni që shoferi ju ka vërejtur pa filluar kalimin e rrugës!
6. Shiko në të gjitha anët kur kaloni rrugën!