Arrestohet një i dyshuar në Prizren pasi u kap me 11.27 gram marihuanë, lirohet nga prokurori

Rastet e përdorimit të lëndëve narkotike nga të rinjët kosovar mbeten shqetësuese për shoqërinë e poashtu në veçanti edhe sfiduese për institucionet e vendit.

Policia e Kosovës në Prizren dje ka arrestuar një person të dyshuar për posedim të substancave naroktike, raporton SuharekaOnline.

Në raportin e policisë bëhet e ditur se të mërkurën rreth orës 00:15 policia gjatë një kontrolli tek një person ka gjetur dhe sekuestruar 11.27 gram substancë e cila dyshohet të jetë e llojit marihuanë.

Policia e Kosovës në Prizren ka njoftuar se i dyshuari pas intervistimit me vendim të prokurorit është liruar në procedurë të rregullt.

“Rr. Gani Bajraktari, Prizren 29.03.2023 – 00:15. Është arrestuar i dyshuari mashkull kosovar për shkak se gjatë kontrollit tek i njëjti janë gjetur dhe sekuestruar 11.27 gramë substancë e dyshuar narkotike e llojit Marihuanë. I dyshuari pas intervistimit me vendim të prokurorit është liruar në procedurë të rregullt.” thuhet në njoftimin e policisë.