Në këtë aksident janë përfshirë dy automjete me targa vendore, ku kanë mbetur të lënduar tre persona, të cilët janë dërguar në QKUK për trajtim mjekësor.

Po ashtu, derisa e kanë konfirmuar rastin, nga Policia e Kosovës kanë bërë të ditur se aksidenti ka ndodhur rreth orës 09:00.

“Aksidenti ka ndodhur rreth orës 09:00 në aksin rrugor Shtime-Duhël. Në aksident janë përfshirë dy automjete me targa vendore, ku janë lënduar tre persona të cilët janë transferuar për trajtim mjeksor në QKUK”, ka thënë zëdhënësi i Policisë së Kosovës për Rajonin e Prizrenit, Vesel Gashi.

Gashi gjithashtu ka bërë të ditur se me rastin në fjalë janë duke u marrë njësia e trafikut.

Ndryshe, vetëm në 24 orët e fundit në Kosovë kanë ndodhur 47 aksidente, ku 17 prej tyre kanë përfunduar me të lënduar dhe 30 të tjera me dëme materiale.