Tërheqja e 10% nga Trusti, Hoti sot takon përfaqësuesit e BQK-së dhe të Trustit, japin detaje

Pas miratimit të Projektligjit për Rimëkëmbje Ekonomike, kryeministri Avdullah Hoti bashkë me ministren e Financave, Hykmete Bajrami, sot në ora 11:30 do të takohen me përfaqësues të Bankës Qendrore të Kosovës dhe Trustit për të diskutuar rreth zbatimit të Projektligjit.

Një gjë e tillë është bërë e ditur përmes një komunikate për media të lëshuar nga zyra e kryeministrit.

“Kryeministri Avdullah Hoti, bashkë me ministren e Financave Hykmete Bajrami, takon përfaqësues të BQK-së dhe të Trustit të Kursimeve Pensionale, për të diskutuar lidhur me përgatitjet për zbatimin e Ligjit për Rimëkëmbjen Ekonomike”, thuhet në njoftim.

Takimi do të mbahet në objektin e Qeverisë së Kosovës.