Bytyqi kritikon mbledhjen online të Qeverisë: Vendimet për komisionet e pranimit, politizim i institucioneve

13.08.2026

Deputetja e Aleancës, Albana Bytyqi, ka reaguar ashpër ndaj vendimeve të fundit të Qeverisë së Kosovës lidhur me emërimin e komisioneve të pranimit për pozita të larta drejtuese në disa prej institucioneve më të rëndësishme në vend.

Përmes një postimi në rrjetet sociale, Bytyqi ka deklaruar se pushteti po shfrytëzon vëmendjen e opinionit publik me tema të tjera, siç është prania e diasporës në Kuvend, për të kaluar në prapaskenë vendime që sipas saj dëmtojnë profesionalizmin e institucioneve.​

“I solli diasporën në Kuvend, për ta marrë vëmendjen e opinionit publik, ndërkohë në prapaskenë shkatërron Institucione të rëndësishme Profesionale, duke i mbushur me militant joprofesionist!” — ka shkruar Bytyqi.​, Deputetja ka publikuar edhe dokumentet e vendimeve të marra nga mbledhja online e Qeverisë, ku përfshihen emërimet e Komisioneve të Pranimit për pozita kyçe si:​

Drejtor Ekzekutiv në Thesarin e Kosovës​

Drejtor Ekzekutiv në Agjencinë Kosovare për Standardizim

​Kryeinspektor në Inspektoratin e Tregut​

Drejtor Ekzekutiv në Agjencinë për Pronësi Industriale​

Drejtor Ekzekutiv në Agjencinë për Siguri Kibernetike

​Sipas Bytyqit, këto lëvizje janë pjesë e një politike për sistemimin e militantëve partiakë në pozita strategjike menaxhuese.