Pas nënshkrimeve për Kuvendin e Jashtëzakonshëm, Hoti del me reagim
15.07.2026
Deputeti i zgjedhur i LDK-së, Avdullah Hoti, ka reaguar pas dorëzimit të nënshkrimeve për thirrjen e Kuvendit të Jashtëzakonshëm të partisë, ku pritet të diskutohet edhe çështja e udhëheqjes së LDK-së.
Foto: Ilustrim
Përmes një postimi, Hoti ka deklaruar se askush nuk është mbi Lidhjen Demokratike të Kosovës dhe anëtarësinë e saj. Ai ka theksuar rëndësinë e respektimit të strukturave dhe proceseve të brendshme partiake.
Reagimi i Hotit vjen pas zhvillimeve të fundit brenda LDK-së dhe kërkesave për ndryshime në drejtimin e partisë, të cilat kanë nxitur debat mes figurave dhe anëtarësisë së këtij subjekti politik.
