Rreth 60 policë dhanë dorëheqje sivjet, paralajmërohet përkeqësim i situatës

11.11.2023 Lajme

Rreth 60 zyrtarë të Policisë së Kosovës kanë dhënë dorëheqje nga pozitat e tyre brenda këtij viti. Nga Sindikata e Policisë thonë se arsye për këtë ka qenë dëshpërimi me Ligjin e Pagave, mos sigurimi shëndetësor dhe jetësor.

Për shkak të pakënaqësive, disa zyrtarë të Policisë së Kosovës protestuan e disa vendosën që të largohen krejtësisht nga ky institucion.

Pse të shkojmë tek mjeku kur ndihemi mirë?!

Nga janari e deri në nëntor të këtij viti, dhjetëra pjesëtarë të këtij institucioni të sigurisë kanë dhënë dorëheqje.

“Deri më tani kemi deri diku rreth 60 dorëheqje vullnetare dhe me paralajmërime që nëse nuk lëvizet diçka në këtë drejtim mund të ketë edhe dorëheqje të tjera”, ka thënë Imer Zeqiri – kryetar i Sindikatës së Policisë.

E, në mesin e arsyeve që çuan deri te këto dorëheqje, kryeson dëshpërimi me Ligjin e Pagave.

“Kryesisht dorëheqjet e këtij viti janë me pakënaqësi të cilat rrodhën edhe nga ligji pagave por edhe për shkak të kushteve të tjera. Sepse ne jemi një polici që nuk kemi sigurim shëndetësor dhe jetësor me vite të tëra”, ka shtuar Zeqiri.

Shqetësuese këtë situatë nuk e sheh ish-zëvendësministri i Punëve të Brendshme, Hajrullah Tërnava.

Ai thotë se dorëheqje mund të ketë edhe pas rritjes së pagave.

“Ne kemi ditë për ditë që njësitë policore po i lëshojnë polic të ndryshëm sepse është në pyetje çështja materiale dhe dikush mendon që me shkuar jashtë pasurohet. Edhe nesër nëse rritet rroga e elitarëve prapë dikush nga ta mund ta lëshojë, sepse gjithkush i këqyrë llogaritë e tij”, ka deklaruar Tërnava.

Nga efektivi policor, që protestuan para Qeverisë së Kosovës, duke kundërshtuar propozimin e Qeverisë për shtesën për rrezikshmërinë, nuk është dhënë ndonjë njoftim se dikush nga ta ka dhënë dorëheqje.

#Dorëheqje #Policia e Kosovës

Fabrika e Mobileve "TE NASERI"

Mobilo shtëpinë sot dhe paguaj me këste deri në 12 MUAJ.

Nuk arritën marrëveshje me Kurtin, njësitë speciale paralajmërojnë sërish protestë për të shtunën

Pjesëtarët e Njësisë Speciale Intervenuese sërish do të protestojnë para objektit të Qeverisë së Kosovës, pasi nuk kanë arritur marrëveshje me kryeministrin Albin Kurti lidhur me kërkesat e tyre.

Pjesëtarët e njësisë elitare të Policisë së Kosovës tashmë kanë dorëzuar kërkesën për protestë, e cila pritet të mbahet të shtunën e 9 dhjetorit.

Sukses pas suksesi! ISEFERI sjellë inovacion për tërë Europën, kubëzat ndriçuese prodhohen në Suharekë

Kryetari i Sindikatës së Policisë së Kosovës, Imer Zeqiri, në një prononcim për Telegrafin tha se janë në kontakt me ta pasi siç u shpreh ai, aktualisht nuk e di se cilat janë kërkesat e tyre.

“Ata kanë paralajmëruar protestë për datën 9 dhjetor. Kërkesën e kanë adresuar në mënyrë të rregullt te organet e rendit. Jemi duke biseduar me ta sepse aktualisht nuk e di se cilat janë kërkesat e tyre”, deklaroi Zeqiri.

Ai shtoi se ka paralajmërime se kësaj proteste do t’i bashkëngjiten edhe njësi të tjera.

“Ka paralajmërime, por këtë ende nuk e kam të konfirmuar. Gjithsesi, ne i përkrahim kërkesat e çdo polici dhe nëse mbahet kjo protestë ne si sindikatë do të marrim pjesë”, u shpreh mes tjerash Zeqiri.

“Do t’i takoj, por atë që kam pasur e kam thënë”, kishte deklaruar kryeministri Albin Kurti kur ishte pyetur për kërkesat e dy prej njësive më elite të Policisë, që më 1 nëntor ia zunë derën me protestë.

Dhe vërtetë ashtu doli. I takoi, por asnjë gjë nuk ndryshoi.

Asnjë dakordim nuk u arrit në takimin gati tre orësh i bërë para tri javësh mes kryeministrit dhe zëvendësdrejtorit të policisë dhe përfaqësuesve të NJSI-së dhe NJTME-së.

Bile mëngjesin e parë pas takimit, Qeveria miratoi shtesat e rrezikshmërisë prej 150 eurosh, pa e rritur vlerën e tyre.

Konkursi për policë/ Kandidatët do t’i nënshtrohen testit psikologjik

NJOFTIM: Faza e testimit psikologjik dhe kontrollimit mjekësorë për zyrtar policor sipas konkursit të shpallur nga data 18.04.2023 deri me datën 30.05.2023

Kandidatët nga lista e publikuar duhet të paraqiten me kohë në vendin ku është paraparë mbajtja e testit psikologjik dhe kontrollimit mjekësore.

Pse të shkojmë tek mjeku kur ndihemi mirë?!

Testi Psikologjik vazhdon sipas orarit në listën e bashkangjitur.

Kandidatët e ftuar për test psikologjik duhet të paraqiten me datën e caktuar në orar nga ora 08:00 në SHSKUK ( Shërbimin Spitalor Klinik Universitar të Kosovës, në objektin e Mjekësisë Sportive ( hyrja te Spitali Amerikan ), ndërsa për kandidatët që e kalojnë me sukses fazën e testit psikologjik, ekzaminimi mjekësor është në po të njëjtin vend, pasi që paraprakisht të kenë dhënë analizat laboratorike në Klinikën e Biokimisë (objekti i Qendrës Emergjente).

Kandidatët me vete duhet të kenë:

• Letërnjoftimin ose pasaportën valide

• Laps kimik.

Vetëm kandidatët që përfundojnë me sukses testimin psikologjik do të informohen të njëjtën ditë nga zyrtari përgjegjës për datën dhe kohën e mbajtjes së kontrollimit mjekësorë.

Lista e kandidatëve

Suharekë, arrestohet një nxënës pasi iu gjet boks hekuri dhe thikë në çantën e shkollës

Një nxënës është arrestuar të hënën në Suharekë, pasi në çantën e tij të shkollës stafi arsimor ka gjetur një thikë me the dhe një boks hekuri.

Policia njofton se rasti është iniciuar si “Armëmbajtje pa leje”.

Fjala e fundit e teknologjisë zbarkon në Fabrikën e Mobileve “TE NASERI”

“Me datën 04.12.2023, Stacioni Policor Suharekë nga stafi arsimor i një shkolle në Suharekë ka pranuar informacion se në çantën e një nxënësi të shkollës janë gjetur një (1) boks hekuri dhe një (1) thikë me teh rreth shtatë (7) cm”, thuhet në njoftimin për media.

Tutje, bëhet e ditur se zyrtarët policorë menjëherë i janë përgjigjur rastit duke konfiskuar mjetet e lartshënuara.

“Është arrestuar i dyshuari i mitur i cili pas intervistimit në bazë të procedurave ligjore me urdhër të prokurorit të shtetit është liruar në procedurë të rregullt. Rasti vazhdon të hetohet nga hetues policorë të Stacionit Policor Suharekë”.