Oda e Hotelierisë refuzon 3 milionë eurot e ndara nga Qeveria

Oda e Hotelierisë dhe Turizmit të Kosovës përmes një komunikate për media, ka bërë të ditur se refuzon mjetet e ndara prej tre milionë euro për këtë subjekt nga Ligji për rimëkëmbje ekonomike.

Sipas OHT-së, pandemia COVID-19 ka goditur në mënyrë joproporcionale industri të ndryshme të ekonomisë në Kosovë dhe se me tre milionë euro s’mund të mbulohen dëmet e bizneseve hoteliere gjatë pandemisë.

“Arsyeja e refuzimit është sepse në bazë të burimeve të sakta, dhe llogaritjeve që janë bërë i bie që kompensimi për subjekte të jetë nga shuma 20 euro deri në 170 për subjekt”, thuhet tutje në komunikatën e OHT-së.

Rikujtojmë se Ligji për Rimëkëmbjen Ekonomike u miratua me 72 vota pro në Kuvendin e Kosovës gjatë muajit dhjetor.

RAPORTO