Nga sot nis vaksinimi kundër gripit sezonal në Kosovë – vaksinën mund ta marrin personat e moshës 6 muajsh e lart

Nga dita e sotme në të gjitha komunat e Kosovës nis vaksinimi kundër Gripit sezonal.

Ministria e Shëndetësisë rikujton qytetarët se vaksinat kundër Gripit sezonal kanë aritur në Kosovë dhe duke filluar nga dita e hënë, do të filloj vaksinimi.

Ministria e Shëndetësisë dhe Instituti Kombëtar i Shëndetësisë Publike u bëjnë thirrje qytetarëve, sidomos personave më të moshuar dhe personave me sëmundje kronike, që të vaksinohen për t’u mbrojtur nga Gripi sezonal.

Vaksinimi kundër Gripit sezonal mund të bëhët çdo ditë pune në Njësitë e vaksinimit të kuadër të Qendrave Kryesore të Mjekësisë familjare në çdo komunë.

MSh ka siguruar vaksina të mjaftueshme prandaj, ftohen qytetarët që nga data 31 tetor e tutje të vaksinohen.