Halitjaha: Gjykata Speciale është sjellë korrekt dhe pyetjet e prokurorëve kanë qenë për luftën e UÇK-së

  • 05.11.2022
Halitjaha: Gjykata Speciale është sjellë korrekt dhe pyetjet e prokurorëve kanë qenë për luftën e UÇK-së

Sadik Halitjaha, ish-zëvendëskomandant i Zonës Operative të Pashtrikut, që sapo është kthyer nga Haga, ku ka dëshmuar në Gjykatën Speciale, ka treguar se sjelljet ndaj tij kanë qenë korrekte dhe se pyetjet e prokurorëve kanë qenë për luftën e Ushtrisë Çlirimtare të Kosovës.

“Fillimisht më kanë njoftuar me ftesë ata që duhet të shkoj me datën 3, pastaj është shtyrë me datën 17 dhe ka mbetur pezull dhe unë kam pritur arrestimin. Megjithatë, janë sjellë korrekt me mua dhe mirë që janë sjellë ashtu, ka qenë mirë për mua, për familjen, por edhe për ata vet, për imazhin e tyre. Deri më 31 tetor, ku nuk kanë ardhur të më arrestojnë në shtëpi, por më kanë detyruar që të shkojë në aeroport, më kanë siguruar biletën, udhëtimin, përcjelljen deri në Hagë. Kemi shku atje, ka pasur korrektësi në sjellje. Nuk ka pasur ashtu siç kanë qenë ato spektaklet me Jakup Krasniqin e të tjerët, ndoshta edhe s’do të mund ta kisha duruar atë” është shprehur ai.

Halitjaha në Klan Kosova ka treguar se ka pasur pyetje të ndryshme që i janë drejtuar atij.


“Ka pasur pyetje të ndryshme, nuk mundem të hyj, e kam edhe CD me vete, nëse do të kisha të drejtën nga prokuroria, do t’jua jepja CD-në dhe do të kishte me qenë më e qartë për opinionin. Ka pasur edhe të tilla pyetje që çfarë, si i njohim ata, a kemi folur, apo çfarë kemi bërë”, ka thënë Halitjaha.

Halitjaha ka bërë të ditur se pyetjet kryesisht kanë qenë për nivelin e zonës operative ku ai ka qenë zëvendëskomandant.

“Për të gjitha kanë pyetur. Kanë pyetur kryesisht për luftën e UÇK-së dhe kryesisht për nivelin e zonës. Unë nuk jam i thirrur, nuk kam të drejtë të shpërfaqi nivelin e tyre apo detyrat çfarë kanë pasur ata në luftë, apo të bërat apo të pabërat”.

Ai ka thënë se nuk ka pranuar të ketë avokat, sepse siç u shpreh ai, janë të përzgjedhur.

“Të them të drejtën, e para është që avokatët ata i kanë të përzgjedhur. Avokati nuk është i përzgjedhuri im. E dyta, ndikimi i avokatëve deri më tani ka qenë për mua negative, duke u thënë të tjerëve ‘mbylleni gojën, mos thoni gjë’, por pse, duhet ta themi të vërtetën, ne me krenari, me vetëdije e kemi bërë luftën”.

“Ajo që e kemi bërë ne luftën, nuk na akuzon askush, pse nuk akuzohet Zelensky. Është e njëjta gjë sikur pas luftës në Ukrainë ta mbyllin Zelenskyn me stafin e tij, sikurse e kanë mbyllur Hashim Thaçin, Kadri Veselin e të tjerët. Ne kemi qenë me të drejtë tonë, pse duhet t’i heshtim gjëra, ta themi të vërtetën dhe të ecim përpara, në procedura se kanë ndihmuar fare avokatët”, u shpreh tutje ai.

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë