[FOTO] Përmbytjet në Slloveni, raportohet për 4 të vdekur, 5 holandezë të zhdukur dhe dëme katastrofike

Fabrika e Mobileve "TE NASERI"

Mobilo shtëpinë deri në 10,000 € me mundësi pagese deri në 36 muaj.

Pasojat e përmbytjeve të së premtes në shtetin e Sllovenisë janë katastrofike. Pasdite ekspertët kanë ekzaminuar sërish rrëshqitjen e dheut në rajone të ndryshme dhe ka nisur edhe evakuimi i banorëve. Ai do të zgjasë deri në orën 7 të mëngjesit.

Sipas të dhënave të fundit, të paktën katër persona kanë humbur jetën nga përmbytjet në Slloveni, mes të cilëve dy shtetas të Holandës.  Më pak shi ka rënë orët e fundit, situata në Slloveni po qetësohet dalëngadalë, ndonëse shumë lumenj mbeten të vërshuar dhe disa vende janë shkëputur nga bota.

Për shkak të reshjeve të dendura dhe vërshimit të lumenjve, disa mijëra banorë janë ende sot pa energji elektrike.

Si pasojë e përmbytjeve, të paktën pesë shtetas holandezë rezultojnë të zhdukur në Slloveni, njoftoi zëdhënësi i Ministrisë së Jashtme holandeze për radion dhe televizionin holandez NOS. Në total, më shumë se 400 holandezë do të evakuoheshin nga kampet dhe dy vdiqën gjatë përmbytjeve.

Qeveria dhe ministritë kompetente janë njoftuar për iniciativën për hapjen e dyqaneve, e cila do të mundësonte riparimin më të shpejtë të dëmeve pas fatkeqësisë natyrore që goditi Slloveninë. Siç tha komandanti i mbrojtjes civile Sreçko Shestan, kjo mund të bëhet vetëm me urdhër të komandantit. Dekreti do të nxirret brenda një ore dhe do të mundësojë që dyqanet me ushqime, pajisje teknike dhe pajisje për fëmijë të jenë të hapura pavarësisht nga Ligji i Tregtisë edhe të dielave dhe festave.