Ambasada Gjermane paralajmëron rikthimin e termineve për viza Schengen duke filluar nga kjo datë

Ambasada Gjermane paralajmëron rikthimin e termineve për viza Schengen duke filluar nga kjo datë
Fjolla Hoxha

22.06.2021 / Lajme

Përmes një njoftimi Ambasada e Gjermanisë në Kosovë ka bërë të ditur se është marrë vendim për lehtësimin e kufizimeve për kosovarët që ia mësyjnë Gjermanisë.

Sipas kësaj ambasade këto lehtësime do të hyjnë në fuqi nga data 25 korrik 2021.

Personat që janë të vaksinuar plotësisht do ta kenë të mundur që të udhëtojnë drejt Gjermanisë. Megjithatë udhëtimi do të mundësohet vetëm dy javë pas marrjes së vaksinës së fundit apo dozës së dytë.

Ndërkohë personat e vaksinuar plotësisht, sipas parashikimeve nga fillimi i korrikut, do të mund të aplikojnë për viza në Ambasadën e Gjermanisë.

Njoftimi i plotë:

Njoftim: Nga 25.06.2021 lehtësime të kufizimeve të udhëtimit nga Kosova drejt Gjermanisë për personat plotësisht të vaksinuar kundër Covid-19

Me efekt nga data 25.06.2021 për personat plotësisht të vaksinuar kundër Covid-19 sërish do të jenë të mundshme udhëtimet nga Kosova drejt Gjermanisë me parakushte të caktuara.

Personat plotësisht të vaksinuar, 2 javë pas marrjes së vaksinës së fundit do të mund të udhëtojnë drejt Gjermanisë për vizita, udhëtime afariste dhe qëllime turistike, me kusht që posedojnë vizën eventualisht të nevojshme.

Udhëzime: Personat plotësisht të vaksinuar, sipas parashikimeve nga fillimi i korrikut sërish mund të caktojnë termine për viza Schengen. Me rastin e parashtrimit të kërkesës, duhet të paraqiten dokumentet mbi statusin e vaksinimit.

E nevojshme për udhëtimin hyrës është një dëshmi mbi vaksinimin e plotë dhe të bërë së paku para 14 ditësh me një vaksinë të lejuar edhe në Gjermani.

LAMI Palace – Bëhuni pjesë e ambientit mbretëror duke shijuar çdo detaj!

LAMI Palace një vend i veçantë i ndërtuar dhe dizajnuar me një shije të rrallë dhe unike ofron momente të...

Lexo më shumë

Të fundit