71 pacientë të infektuar me COVID-19 po trajtohen në Spitalin e Prizrenit

Në muajin janar të këtij viti janë regjistruar numër më i madh i të infektuarve me COVID-19, poashtu edhe i viktimave nga ky virus.

Numër i madh i të infektuarve me COVID-19 po vazhdon të regjistrohet edhe në fillim të muajit shkurt, shkruan SuharekaOnline.

Me rritjen rritjen e rasteve pozitive me COVID-19 po rritet edhe numri i pacientëve të spitalizuar nëpër Spitalet Rajonale të vendit.

Një gjë e tillë po bëhet e ditur nga Ministria e Shëndetësisë në Kosovë.

Zëdhëndësi i kësaj ministrie, Faik Hoti gjatë ditës së premte (05 shkurt) ka publikuar të dhëna nga 7 Spitalet Rajonale, në të cilët po trajtohen gjithsej 301 pacientë, prej tyre 184 pozitiv me COVID-19.

Ndërsa, bëhet e ditur se në Spitalin Rajonal të Prizrenit po trajtohen numër më i madhë i pacientëve , duke krahasuar me spitalet e tjera.

Aktualisht në Spitalin e Prizrenit janë duke u trajtuar 111 pacientë, prej tyre 71 të konfirmuar pozitiv me COVID-19.