Prokuroria e Prizrenit me 7 aktakuza dhe një ndalim gjatë 24 orëve

Me urdhër të prokurorit, një person është ndaluar për 48 orë, nën dyshimin për veprën penale “Dhuna në familje”.

Po për të njëjtën vepër penale, Prokuroria ka parashtruar edhe një kërkesë për caktimin e paraburgimit.

Ndërkohë, janë ngritur shtatë aktakuza ndaj shtatë personave, prej të cilave tri për “Kanosje”, dy për “Posedim të paautorizuar të narkotikëve, substancave psikotrope apo analoge”, një për “Asgjësim apo dëmtim të pasurisë” dhe një për “Raste të posaçme të falsifikimit të dokumenteve”.