Pritjet e gjata për t’u pajisuar me dokumente, MPB zgjat orarin e punës deri në orën 18:00

Në komunikatën e lëshuar për media bëhet e ditur se Agjencia e Regjistrimit Civil e Ministrisë së Punëve të Brendshme ka marrë vendim që orari të zgjatet deri në ora 18:00, ndërsa të shtunave deri në ora 16:00.

Zgjatet orari për ofrimin e shërbimeve për dokumente personale

Agjencia e Regjistrimit Civil e Ministrisë së Punëve të Brendshme, ka marr vendim që të gjitha Qendrat për pajisje me dokumente, gjatë ditëve të punës të punohet me orar të zgjatur
deri në orën 18:00, si dhe të shtunave deri në orën 16:00.

Po ashtu edhe Drejtorati për Prodhim të dokumenteve, gjatë ditëve të punës do të punojë me dy ndërrime, si dhe të shtunave deri në orën 16:00.

Ky vendim është marr në mënyrë që të ju lehtësojnë qytetarëve planifikimin e kohës, dhe të zvogëlojë pritjet për pajisje me dokumente personale.

Ky vendim për rritjen e orarit, do të zgjasë deri tek një vendim tjetër, për të cilin do të ju njoftojmë me kohë.