Nga 12 tetori BE pa vula në pasaportë – nis sistemi digjital i hyrje-daljeve EES
Më 12 tetor 2025, në zonën Schengen do të nisë funksionimin një sistem i ri digjital i kontrollit kufitar – Entry/Exit System (EES).
Ky sistem do të zëvendësojë vulosjen fizike të pasaportave dhe do të aplikojë kontrolle biometrike për vizitorët afatshkurtër në Evropë.
Çfarë është EES?
EES është një mekanizëm modern i menaxhimit të kufijve të jashtëm të Bashkimit Evropian. Me këtë sistem, të dhënat e hyrjes dhe daljes së shtetasve jo-BE që udhëtojnë për qëndrim afatshkurtër në një nga 29 shtetet e Schengenit do të regjistrohen në mënyrë digjitale.
Ky proces synon të përshpejtojë kontrollin kufitar dhe të rrisë sigurinë e brendshme të vendeve anëtare. Përveç të dhënave bazë të dokumentit të udhëtimit, do të regjistrohen gjithashtu data dhe vendi i hyrjes/daljes, si dhe të dhëna biometrike.
Për kë është sistemi EES?
Sistemi i ri kufitar është i destinuar për shtetasit jo-BE që hyjnë në zonën Schengen për vizita afatshkurtra. Ekzistojnë disa përjashtime, të cilat janë të listuara në faqen zyrtare të EES.
Afatet e zbatimit
- 12 tetor 2025 – nis zbatimi gradual i sistemit në pikat kufitare.
- 10 prill 2026 – EES pritet të bëhet plotësisht funksional në të gjitha kufijtë e jashtëm të zonës Schengen.
Ky sistem shihet si një hap i rëndësishëm drejt modernizimit të kontrolleve kufitare evropiane, duke mundësuar udhëtime më të shpejta, më të sigurta dhe më transparente për vizitorët jo-evropianë.