1.
Policia ndalon dy persona në Jarinjë, sekuestrohen thika, veshje me simbole nacionaliste dhe pajisje të tjera
19.09.2026
Policia e Kosovës ka ndaluar për kontroll në Pikën e Kalimit Kufitar në Jarinjë një automjet me targa të Serbisë, në të cilin ndodheshin dy persona.
Sipas Policisë, gjatë kontrollit në vijën e dytë janë gjetur dhe sekuestruar 5 thika, prej tyre dy taktike/luftarake, një kamerë GoPro, dy bluza me simbole dhe mbishkrime nacionaliste, dy pajisje multifunksionale, një flamur i Serbisë, një vulë me katër S dhe një kartë identifikimi.
Me autorizim të Prokurorit të Shtetit, rasti është iniciuar si “Mbajtja në pronësi, kontroll ose posedim të paautorizuar i armëve”.
Dy personat e dyshuar janë dërguar në mbajtje, ndërsa rasti po trajtohet nga organet kompetente.
