Për dy muaj diaspora dërgoi 174 milionë euro në Kosovë
Sipas të dhënave të fundit nga Banka Qendrore e Kosovës, diaspora deri në fund të muajit shkurt ka dërguar në Kosovë 174 milionë euro.
Foto: Ilustrim
Derisa vetëm në muajin shkurt, mërgata dërgoi 87.90 milionë euro.
“Rreth 88 milionë euro është vlera preliminare e dërgesave të mërgatës që janë sjell në Republikën e Kosovës për muajin shkurt 2024. Kështu thuhet në statistikat e remitancave dhe institucioneve tjera financiare për këtë periudhë, të publikuara nga Banka Qendrore e Republikës së Kosovës (BQK), duke shtuar se vlera totale e tyre, sipas vlerësimeve preliminare, ka arritur në 174.3 milionë euro”, thuhet në njoftim.
Njoftimi:
● 87.90 milionë euro, vlera preliminare e dërgesave nga mërgata për muajin shkurt 2024
● 174.30 milionë euro, vlera preliminare e remitancave
● 64.40%, dërgesat përmes IFJB-ve
● 312.70 milionë euro, asetet e kompanive të sigurimeve
● 2.80 miliardë euro, asetet e fondeve pensionale
● 555.20 milionë euro, asetet e ndërmjetësve të tjerë financiar
● 60.60%, kreditë e ekonomive familjare, sektori mikrofinanciar
● 41.40 milionë euro, kreditë e reja nga ndërmjetësit e tjerë financiarë
Rreth 88 milionë euro është vlera preliminare e dërgesave të mërgatës që janë sjell në Republikën e Kosovës për muajin shkurt 2024. Kështu thuhet në statistikat e remitancave dhe institucioneve tjera financiare për këtë periudhë, të publikuara nga Banka Qendrore e Republikës së Kosovës (BQK), duke shtuar se vlera totale e tyre, sipas vlerësimeve preliminare, ka arritur në 174.3 milionë euro.
Sipas raportit, prurjet më të mëdha të remitancave ishin nga institucionet financiare jo-bankare me pjesëmarrje prej 64.4 për qind, pasuar nga kanalet tjera me 19.7 për qind dhe bankat me 15.9 për qind.
Për sa i përket aseteve të kompanive të sigurimit, BQK-ja tregon se deri në këtë muaj vlera e tyre ishte 312.7 milionë euro, duke shënuar rritje prej rreth 600 mijë euro krahasuar me
janarin e 2024-së.
Ndërsa, asetet e fondeve pensionale kanë arritur vlerën e 2.8 miliardë euro, e cila përfaqëson rritje për 46.5 milionë euro.
Në fund, BQK-ja tregon se asetet e ndërmjetësve tjerë financiar në fund të muajit shkurt 2024 janë rritur për 15.1 milionë euro, duke arritur vlerën e 555.2 milionë eurove.
