Dy karikatorë të dyshimtë gjenden në Gjinoc, nisin hetimet

13.04.2026

Një rast i armëmbajtjes pa leje është raportuar mbrëmjen e 12 prillit në fshatin Gjinoc të Suharekës. Sipas policisë, një qytetar ka njoftuar se në skaj të rrugës ka hasur në dy karikatorë të vjetër.

Pas marrjes së informacionit, njësitë policore kanë dalë në vendin e ngjarjes dhe kanë konfiskuar dëshmitë materiale.

Me vendim të prokurorit është iniciuar rasti, ndërsa hetimet janë duke vazhduar për të sqaruar rrethanat dhe origjinën e tyre.