Aktakuzë për keqpërdorim detyre dhe mashtrim në prokurim publik në Komunën e Prizrenit

Gjithashtu, një person tjetër akuzohet për keqpërdorim dhe mashtrim në prokurim publik.

Sipas aktakuzës, më 4 gusht 2022, të akuzuarit Xh.D., Y.G., Q.K., S.V., E.Sh., L.S., dhe B.J., në cilësinë e personave zyrtarë, dyshohet se duke shfrytëzuar detyrën, nuk i kanë përmbushur detyrat e tyre zyrtare gjatë vlerësimit të ofertave, duke favorizuar grupin e operatorëve ekonomikë “P.C.G. Sh.P.K.” dhe “A.-T. Sh.P.K.”.

Në njoftimin e Prokurorisë thuhet se i akuzuari Xh.D. (kryetar i komisionit vlerësues), Y.G. dhe Q.K. (anëtarë të komisionit), rekomanduan lidhjen e kontratës në vlerë 550.000,00 € me grupin e operatorëve të lartpërmendur, pavarësisht se pesë operatorë të tjerë kishin ofruar çmime dukshëm më të lira.

Ndërkohë, i akuzuari S.V. (menaxher i kontratës), e akuzuara L.S. (mbikëqyrëse e brendshme) dhe i akuzuari B.J. (mbikëqyrës i jashtëm) akuzohen se nuk kanë vepruar konform legjislacionit të prokurimit dhe nuk kanë parandaluar keqmenaxhimin e kontratës.

Gjithashtu, i akuzuari D.N. ngarkohet për keqpërdorim dhe mashtrim në prokurim publik, ndërsa i akuzuari E.Sh. (drejtor i administratës) dyshohet se ka ndikuar në manipulimin e çmimeve nga operatorët ekonomikë gjatë fazës së ofertimit.

Ky rast tani do të vazhdojë në procedurat e mëtutjeshme gjyqësore.