Arrestohet një person në Suharekë, dyshohet se ka shtënë me armë zjarri

10.11.2025

Policia e Kosovës ka njoftuar se në orët e mbrëmjes së së dielës, më 9 nëntor 2025, në rrugën “Hajdin Berisha” në Suharekë, ka arrestuar një person të dyshuar për përdorim të armës së zjarrit.

Sipas njoftimit zyrtar, i dyshuari, mashkull kosovar, dyshohet se ka shtënë me armë zjarri.

Gjatë ndërhyrjes së njësive policore, tek ai është gjetur dhe sekuestruar një pistoletë me gaz, e cila ka qenë pa municion.

Pas intervistimit në stacionin policor, me vendim të prokurorit të rastit, i dyshuari është dërguar në mbajtje, ndërsa hetimet po vazhdojnë për zbardhjen e plotë të ngjarjes.