1.
Një person dërgohet pa shenja jete në QKMF-në e Dragashit, policia nis hetimet
01.08.2025
Një ngjarje e rëndë është raportuar gjatë ditës së djeshme në Dragash, ku një person është dërguar pa shenja jete në Qendrën Kryesore të Mjekësisë Familjare (QKMF).
Sipas informacioneve zyrtare, mjeku kujdestar ka konstatuar se viktima kishte ndërruar jetë.
Me urdhër të prokurorit të rastit, trupi i pajetë është dërguar në Institutin e Mjekësisë Ligjore (IML) për obduksion, në mënyrë që të sqarohen rrethanat e vdekjes.
Ende nuk janë bërë të ditura detaje të tjera lidhur me identitetin apo shkaqet e mundshme të vdekjes. Hetimet janë në vazhdim.