Dështon edhe përpjekja e 45-të për konstituimin e Kuvendit

11.07.2025

Seanca e 45-të e Kuvendit të Kosovës ka përfunduar pa arritur konstituimin e institucionit, duke shënuar një tjetër dështim në përpjekjet për krijimin e organeve drejtuese pas zgjedhjeve të fundit.

Kryesuesi i seancës, Avni Dehari, njoftoi se 49 deputetë votuan pro për formimin e Komisionit të fshehtë, pa asnjë votë kundër apo abstenim. Megjithatë, përkundër këtij hapi formal, procesi mbetet i bllokuar.

Arsyeja kryesore e ngërçit është mungesa e konsensusit për zgjedhjen e kryetarit të Kuvendit. Lëvizja Vetëvendosje ka propozuar Albulena Haxhiun për këtë post, por kandidatura e saj nuk ka marrë mbështetjen e partive të tjera parlamentare, duke pamundësuar vazhdimin e procesit.

Me këtë, Kuvendi i Kosovës mbetet ende i pakonstituuar, ndërsa qytetarët dhe opinioni publik po ndjekin me shqetësim zvarritjen e krijimit të institucioneve të reja.