Zgjedhjet e 9 shkurtit 2025: 5 subjekte politike kanë dorëzuar aplikimet në KQZ

Nga këto 5 subjekte, 4 janë parti politike dhe një është një iniciativë qytetare. KQZ thekson se afati i fundit për dorëzimin e aplikimeve është 11 dhjetor 2024, ora 16:00.

Deri më tani, subjektet politike që kanë dorëzuar aplikimet e tyre janë:

• Partia Rome e Bashkuar e Kosovës (PREBK): Me një listë prej 35 kandidatësh.
• Jedinstvena Goranska Partija (JGP): Me një listë prej 29 kandidatësh.
• Partia e Ashkalinjëve për Integrim (PAI): Me një listë prej 35 kandidatësh.
• Srpska Demokratija (SD): Me një listë prej 13 kandidatësh.
• Narodna Pravda: Me një listë prej 10 kandidatësh.

Përveç aplikimit, subjektet politike duhet të dorëzojnë edhe listat e tyre me emrat e kandidatëve për deputetë brenda afatit të përcaktuar.

KQZ do të verifikojë të gjitha aplikimet dhe lista të paraqitura nga subjektet politike. Nëse të gjitha kushtet ligjore janë përmbushur, KQZ do t’i certifikojë këto subjekte për të marrë pjesë në zgjedhje.