Lëvizja Vetëvendosje ankohet në Gjykatën Supreme për vendimin e PZAP-së për Listën Serbe

Ankesa është dorëzuar nga zëvendësministri i Drejtësisë, Blerim Sallahu. Ky vendim vjen pas sa më 25 dhjetor, PZAP-ja aprovoi ankesën e Listës Serbe kundër vendimit të KQZ-së për të mos e certifikuar atë. Sipas PZAP-së, Lista Serbe me aplikimin e saj për të marrë pjesë në zgjedhjet e 9 shkurtit ka plotësuar të gjitha kriteret ligjore të kërkuara.

Anëtari i KQZ-së nga radhët e LVV-së, Sami Kurteshi, më parë kishte deklaruar se nuk do të ankohen në Gjykatën Supreme, duke argumentuar se edhe kjo gjykatë do të merrte një vendim të ngjashëm. Megjithatë, partia në pushtet ka vendosur të shfrytëzojë të gjitha mundësitë ligjore për të kundërshtuar përfshirjen e Listës Serbe në zgjedhjet e ardhshme.