Lëvizja Vetëvendosje përmbyll fushatën në Suharekë me 127 fanarë

Kanë mbetur edhe pak orë deri në përfundimin e fushatës zgjedhore për zgjedhjet e parakohshme parlamentare të 14 shkurtit.

Të dielën të gjithë qytetarët e Kosovës me të drejtë vote do të kenë mundësi t’iu drejothen kutive të votimit e të votojnë të përzgjedhurit e tyre.

Lëvizja Vetëvendosje ka zgjedhur që në orët e mbrëmjes në Suharekë ta përmbyll këtë fushatë zgjedhore.

LVV në krye me kandidatin për kryeministër, Albin Kurtin në këto zgjedhje garon me numrin #127.

Për të përmbyllur këtë fushatë në mënyrë kreative, struktura e aktivistët e Lëvizjes Vetëvendosje dega Suharekë ka vendosur që t’i ndezë 127 fanarë ndriçues mbi qiellin e qytetit.

Kujtojmë se Lëvizja Vetëvendose në zgjedhjet e 14 shkurtit garon me numrin #127, ndërsa kandidatët për deputetë nga LVV dega Suharekë, Salih Zyba mban numrin #110 dhe Hysen Durmishi numrin #50.