Zëdhënësi i KQZ-së tregon kur do të dalin rezultatet e votimit për kandidatët për deputetë

Zëdhënësi i KQZ-së tregon kur do të dalin rezultatet e votimit për kandidatët për deputetë
Çlirim Gashi

15.02.2021 / Zgjedhjet Parlamentare 2021

Zëdhënësi i Komisionit Qendror të Zgjedhjeve, Valmir Elezi, ka bërë të ditur se ka përfunduar procesi i numërimit të votave.

Ai shtoi se është numëruar edhe pjesa tjetër sa i përket votave për kandidatët për deputetë, rezultati i të cilëve do të bëhet i ditur me shpalljen e rezultatit përfundimtar.

Elezi tha se kanë mbetur edhe 19 vendvotime të dhënat e të cilave ende nuk janë publikuar në web-faqen e KQZ-së.

“Mbrëmë rreth mesnatës ka përfunduar procesi i numërimit në të gjithë vendin, nuk ka ndonjë vendvotim që ka mbetur pa u numëruar. Rezultati i subjekteve politike është procesuar në web faqën e KQZ’së. Janë vetëm 19 prej tyre që të dhënat ende nuk janë transmetuar në web-faqe dhe ndoshta kjo është arsyeja pse po ka paqartësi. Duhet ta theksojmë që procesi i numërimit të fletëvotime në vendvotimë është përmbyllur mbrëmë pra, të dielën, disa orë pas përfundimit së procesit të votimit”, tha Elezi për Klan Kosova.

Ai shtoi se votat për kandidatët për deputetë janë numëruar dhe rezultatet do të bëhen të ditura me shpalljen e rezultatit përfundimtar të këtij procesi.

“Ndërkaq, poashtu në vendvotim është numëruar edhe pjesa tjetër e fletëvotimit, sa i përket kandidatëve që kanë qenë në garë për deputetë, por rezultati i tyre natyrisht se do të bëhet i ditur me shpalljen e rezultatit përfundimtar të këtij procesi”, shtoi Elezi.

Nga tani në Physio Cure Clinic edhe trajtim i rrudhave, pikave të zeza dhe gjithçka për fytyrën tuaj

Pastrimi i fytyrës shërben për mirëmbajtjen e shëndetit të lëkures, kryerjen normale të funksioneve të qelizave si dhe ndriçimin e...

Lexo më shumë

Të fundit

15.02.2021 / Zgjedhjet Parlamentare 2021

Në Leshan fiton Lëvizja Vetëvendosje me 279 vota

15.02.2021 / Zgjedhjet Parlamentare 2021

Në Greikoc fiton Lëvizja Vetëvendosje me 519 vota

15.02.2021 / Zgjedhjet Parlamentare 2021

Në Bukosh fiton Lëvizja Vetëvendosje me 230 vota