Kurteshi: VV nuk e ka ndërmend ta ndryshojë listën e kandidatëve për deputetë

Lëvizja Vetëvendosje nuk do ta ndryshojë renditjen në listën e emrave të kandidatëvve për deputetë.

Kështu deklaroi anëtari i KQZ-së nga LVV-ja, Sami Kurteshi, në mbledhjen e sotme të KQZ, ku po diskutohet për broshurën e zgjedhjeve të 14 shkurtit.

“LVV nuk e ka ndërmend me ndryshu listën. Çdo subjekt politik ka të drejtë ta riradhitë listën e vet”, tha ai.

Kujtojmë se sot Komisioni Qendror i Zgjedhjeve ka certifikuar Listën Përfundimtare të Votuesve brenda dhe jashtë Kosovës për zgjedhjet e 14 shkurtit.

Po ashtu në KQZ janë miratuar dy fletëvotimet që do të përdoren për zgjedhjet parlamentare të 14 shkurtit.