KQZ informon qytetarët se me çfarë dokumente mund të votoni më 14 shkurt

Qytetarët e Kosovës do t’i drejtohen kutive të votimit më 14 shkurt për të votuar në zgjedhjet e parakohshme për Kuvendin e Republikës së Kosovës.

Qytetarët të cilët kanë të drejtë vote janë ata të cilët kanë mbushur 18 vjet dhe që janë të pajisur me njërin nga dokumentet e vlefshme të Republikës së Kosovës.

Përmes një njoftimi nga Komisioni Qendror i Zgjedhjeve (KQZ), ka informuar qytetarët e Kosovës se me çfarë dokumente do të mund të votoni në zgjedhjet e 14 shkurtit.

Për të votuar, mjafton të keni njërin prej këtyre dokumenteve të vlefshme të lëshuara nga Republika e Kosovës:

A. Letërnjoftim;
B. Pasaportë;
C. Dokument i udhëtimit; dhe
D. Patentë shoferi.

RAPORTO