Ish-deputeti i VV’së për sloganin e LDK’së: Shteti është shtet, kur nuk shet tokë dhe vë reciprocitet

Ish-deputeti i Vetëvendosjes, Dimal Basha i ka reaguar Lidhjes Demokratike të Kosovës pasi që e kanë prezentuar sloganin e zgjedhjeve të 14 shkurtit.

Basha përmes një postimi në facebook ka shkruar se shteti është shtet kur nuk shet tokë dhe vë reciprocitet.

“Shteti është shtet …kur nuk shet tokë dhe vë reciprocitet”, ka thënë ai.

Ndryshe, Lidhja Demokratike e Kosovës e ka prezentuar sloganin e tyre për zgjedhjet e parakohshme parlamentare të cilat pritet të mbahen me 14 shkurt, ndërsa kandidat për postin e kryeministrit nga LDK’ja është Avdullah Hoti.

Slogani i Lidhjes Demokratike të Kosovës.

Ndërsa, këtij reagimi i është kundër përgjigjur zyrtari i LDK’së Bajram Gecaj i cili ka thënë se Dimal Basha, po sillet si poet.

“Dimal Basha po shitet si poet, por shteti është shtet edhe kur ”thikat mbi harta” të tmerrojnë e të japin siklet”, ka shkruar Gecaj në facebook.