Zyba premton krijimin e fondit për bujqësi dhe mbështetje të bujqve
Në kuadër të fushatës, Zyba po takon biznese të shumta që operojnë në Komunën e Suharekës si dhe qytetarë të shumtë, kështu duke i dëgjuar kërkesat dhe nevojat e tyre. Kandidati i Lëvizjes Vetëvendosje për kryetar të Komunës së Suharekës, Salih Zyba, e ka renditur bujqësinë dhe agroturizmin si prioritetin e tij të katërt pas […]
Në kuadër të fushatës, Zyba po takon biznese të shumta që operojnë në Komunën e Suharekës si dhe qytetarë të shumtë, kështu duke i dëgjuar kërkesat dhe nevojat e tyre.
Kandidati i Lëvizjes Vetëvendosje për kryetar të Komunës së Suharekës, Salih Zyba, e ka renditur bujqësinë dhe agroturizmin si prioritetin e tij të katërt pas zhvillimit ekonomik dhe industrisë.
Ai ka thënë se Theranda njihet për kushte të përshtatshme për zhvillimin e bujqësisë, mbështetja që do të ofrojmë për këtë sektor do t’i inkurajojë edhe më shumë bujqit, e do të nxisë zhvillimin ekonomik.
Prioritetet për bujqësinë dhe agroturizmin në mandatin qeverisës katër vjeçar të LVV-së me kryetar Salih Zybën në Komunën e Suharekës:
1. Krijimi i fondit për bujqësi, mbështetje e bujqëve që nuk arrijnë kriteret e Ministrisë së Bujqësisë;
2. Subvencionim dhe monitorim, për sektorin e drithërave hortikulturës dhe blegtorisë;
3. Krijimi i kushteve për zhvillim të qëndrueshëm të agroturizimit.