Ndërsa, zëdhënësi i Komisionit Qendror të Zgjedhjeve (KQZ), Valmir Elezi, ka sqaruar çështjen e votimit me kusht.

Elezi ka theksuar se votimi me kusht është i mundshëm vetëm brenda komunës ku qytetari është regjistruar si votues.

Pra, kjo i bie që votimi me kusht nuk është i mundshëm nga një komunë në tjetrën.

Postimi i plotë i tij në Facebook:

Është e nevojshme të sqarojmë se votimi me kusht është i mundur për një votues vetëm brenda komunës ku ai është i regjistruar si votues.

Votimi me kusht nuk është i mundur nga njëra komunë në tjetrën. Pra, votuesi i një komune nuk mund të votojë në komunën tjetër.

Për dallim nga Zgjedhjet për Kuvend në të cilat e gjithë Republika e Kosovës është një zonë zgjedhore, në Zgjedhjet Lokale çdo komunë është një zonë e veçantë zgjedhore dhe në vendvotimet e asaj zone ka fletëvotime vetëm të asaj komune.