Prizren, tentativë vrasjeje pas një mosmarrëveshjeje, një person therret me thikë

Sipas raportimeve, i dyshuari, një mashkull kosovar, pas një zënke me viktimën, po ashtu mashkull kosovar, e ka sulmuar këtë të fundit me një mjet të mprehtë.

Viktima është transportuar menjëherë për trajtim mjekësor në Qendrën Klinike Universitare të Kosovës (QKUK) në Prishtinë, për shkak të plagëve të marra. Ndërkohë, policia ka reaguar shpejt duke arrestuar të dyshuarin në vendin e ngjarjes.

Me urdhër të prokurorit kompetent, i arrestuari është dërguar në mbajtje dhe pritet që të ndërmerren veprime të mëtejme ligjore ndaj tij.

Autoritetet pritet të japin më shumë detaje rreth kësaj ngjarjeje në orët në vijim.